Taʼtildagi talabalar “adolatchilar” bilan

“Adolat” SDP Andijon viloyat kengashi tomonidan yoshlar bilan ishlashga alohida eʼtibor qaratilmoqda. Kelajagimiz egalarining huquqiy madaniyatini yuksaltirish, siyosiy partiyalar hayoti bilan tanishtirib borish orqali ularni safimizga olib kirishga qaratilgan tadbirlar ijobiy samara bermoqda.

Ayni taʼtil kunlari boʻsh vaqtini “adolatchilar” bilan oʻtkazayotgan yoshlarni siyosiy maydonga qadam qoʻyayotgani quvonarli. Bir guruh Andijon mashinasozlik instituti talabalari ishtirokida “Siyosiy partiyalar bilan siyosiy maydonga” mavzusida tashkil etilgan davra suhbatida jamiyat hayotida siyosiy partiyalarning tutgan oʻrni, mahalliy kengashlardagi deputatlar faoliyati, amaldagi qonunchilikdan kelib chiqib fuqarolarning siyosiy huquqlari toʻgʻrisida soʻz bordi. Ishtirokchilarni qiziqtirgan savollariga javob berildi.

Tadbir yakunida 5 nafar yigit-qiz “Adolat” SDPning oʻz oldiga qoʻygan maqsad va gʻoyalari qiziqish uygʻotganini bildirdi. Ular partiya aʼzoligiga qabul qilindi.

“Adolat” SDP Andijon viloyat kengashi

Matbuot xizmati.