Tadbir xivalik yoshlarni vatanparvarlik tuygʻularini mustahkamlashga xizmat qildi

Maʼlumki, “Adolat” SDPning saylovoldi dasturida yoshlarni vatanparvarlik ruhida tarbiyalash, ularni intellektual salohiyatini oshirish orqali jamiyatda oʻzining munosib oʻrnini egallashiga erishish ustuvor vazifa sifatida hayotga tatbiq etib kelinmoqda.

Xususan, partiyaning Xiva tuman Kengashi tashabbusi bilan tumanda faoliyat olib borayotgan “Ogahiy ijod maktabi”ning oʻquvchilari ishtirokida “Yurtim kelajagi mening qoʻlimda!” nomli maʼnaviy-maʼrifiy tadbir tashkil etildi.

Tadbirda soʻzga chiqqan partiya faollari tomonidan mamlakatimizda yoshlar kamoloti uchun olib borilayotgan islohotlar va kelgusidagi ustuvor rejalar hamda partiya tashabbusi bilan amalga oshirilayotgan bir qator ishlar xususida soʻz yuritildi.

Shundan soʻng oʻquvchilarning orzu va maqsadlari toʻgʻrisida dildan suhbat va savol-javoblar qizgʻin tus oldi.

Faollarning hayoti va faoliyatidagi ibratli ishlari, olib borilayotgan islohotlar va yaratilayotgan imkoniyatlardan samarali foydalanish kabi maslahatlari oʻquvchilarning diqqat markazidan joy oldi.

Tumanda bu kabi tadbirlar davom etmoqda.

                                                                                    Shukuroy Madaminova,
          “Adolat” SDP Xiva tuman Kengashi raisi.