Targʻibot tadbirlari davom etmoqda

“Yuqori Xoʻjasoat” mahalla fuqarolari yigʻinida boʻlib oʻtgan ushbu tashviqot tadbirida Oliy Majlis Qonunchilik palatasi deputati Yelena Kompolshik, Xalq deputatlari Samarqand shahar Kengashi deputati Bobur Ergashev, tadbirkorlar, mahalla raislari va mahalla faollari ishtirok etdi.Yelena Kompolshik oʻz soʻzida yangi tahrirdagi konstitutsiyaning mazmun-mohiyatini batafsil tushuntirdi. Xususan, hujjatning 58-moddasida xotin-qizlar va erkaklar teng huquqliligi, davlat xotin-qizlar va erkaklarga jamiyat hamda davlat ishlarini boshqarishda hamda boshqa sohalarda teng huquq va imkoniyatlarni taʼminlashi belgilab qoʻyilayotganini alohida taʼkidladi.

Shuningdek, Bosh qomusimizda oila, bolalar va yoshlar uchun alohida bob ajratilgani, davlat va jamiyat bolalarda hamda yoshlarda milliy va umuminsoniy qadriyatlarga sodiqlik, mamlakatidan hamda xalqning boy madaniy merosidan faxrlanish, vatanparvarlik va Vatanga boʻlgan mehr-muhabbat tuygʻularini shakllantirish toʻgʻrisida gʻamxoʻrlik qilishi belgilanayotganini tushuntirdi.Tadbir davomida ishtirokchilarning savollariga atroflicha javob berildi.

Muloqot yakunida notiqlar ishtirokchilarni 30 aprel kuni boʻlib oʻtadigan referendumda faol ishtirok etishga chaqirishdi.

“Adolat”SDP Samarqand viloyat Kengashi,

Matbuot xizmati.