Tibbiyot xodimiga tajovuz qilganlar 15 sutkagacha qamalishi mumkin

Soʻnggi yillarda mamlakatimizda sogʻliqni saqlash tizimini tubdan isloh qilish, uni rivojlantirishni yangi bosqichga olib chiqish davlat siyosatining ustuvor yoʻnalishiga aylandi.

Yurtimizda oxirgi paytlarda bemorlar va ularning yaqin qarindoshlari tomonidan tibbiyot xodimlariga tajovuz qilish hollari koʻpayib bormoqda. Bu jarayonda tibbiyot xodimlarini bemorlarning sogʻligʻi yomonlashishida yoki oʻlimida asossiz ravishda ayblash, shuningdek hech bir sababsiz shifokorlarga va oʻrta tibbiyot xodimlariga tajovuz qilish hollari yuz bermoqda. Masalan, 2019-2022-yillarda 285 dan ortiq holatda tibbiyot xodimlariga nisbatan turli shaklda tajovuz qilingan.

Tibbiyot xodimining qonuniy tibbiy faoliyatiga toʻsqinlik qilganlik uchun javobgarlik belgilanishi munosabati bilan Oʻzbekiston Respublikasining maʼmuriy javobgarlik toʻgʻrisidagi kodeksiga qoʻshimchalar kiritish haqida 2023-yil 27-martdagi 827-son Oʻzbekiston Respublikasi qonuni qabul qilinib   “Adolat” SDP Sirdaryo viloyat Kengashi deputati S.Elmurodov , Sirdaryo tuman koʻp tarmoqli markaziy poliklinika Baxt shahar boʻlimi xodimlari ishtirokida qonun targʻiboti yuzasidan tadbir tashkil qilindi.

Oʻzbekiston Respublikasining Maʼmuriy javobgarlik toʻgʻrisidagi kodeksi tibbiyot xodimining qonuniy tibbiy faoliyatiga toʻsqinlik qilganlik uchun javobgarlik belgilovchi yangi modda bilan toʻldirildi Xususan :fuqarolarga bazaviy hisoblash miqdorining besh baravaridan etti baravarigacha, mansabdor shaxslarga esa-etti baravaridan oʻn baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi belgilab qoʻyilganligi toʻgʻrisida tibbiyot xodimlariga maʼlumot berib oʻtildi.

“Adolat” SDP Sirdaryo viloyat kengashi Matbuot xizmati.