Tibbiyot xodimlari bayrami ko‘tarinki ruhda nishonlandi

“Adolat” sotsial-demokratik partiyasi elektoratining aksariyat qismini tibbiyot xodimlari tashkil etadi. Shifokorlik kasbi xodimdan – jasorat, fidokorlik, qalb tozaligi va ezgu niyatlar uyg‘unligini talab qiladi.
Tibbiyot xodimlarining kasb bayrami munosabati bilan 2023 yil 9 noyabr kuni Shirin tibbiyot birlashmasi tomonidan “Istiqlol ” to‘yxonasida tashkil qilingan bayram tadbirida O‘zbekiston “Adolat” SDP Sirdaryo viloyat Kengashi va Shirin shahar Kengashi deputatlari hamkorlikda tizimdagi tibbiyot xodimlarini taqdirlash maqsadida tadbir tashkil etildi. 

Tadbirda“Adolat” SDP Sirdaryo viloyat Kengashi raisi o‘rinbosari B. Abdullayev, Shirin shahar Kengashi deputatlari O. Egamberdiyeva va F. Igamberdiyevalar qatnashib, tibbiyot xodimlarini kasb bayramlari bilan tabriklagancha o‘zlarining sharafli ishlari bilan xalqimiz koriga, salomatligi yo‘lida jon kuydirib qilayotgan mehnatlari bundan-da yuksak e’tiroflarga sazovor bo‘lishini ta’kidlashdi.
Tadbir so‘ngida 32 nafar faol tibbiyot xodimlariga partiyaning esdalik sovg‘alari topshirildi.

“Adolat” SDP Sirdaryo viloyat Kengashi
matbuot xizmati