“Tibbiyot xodimlari kuni” munosabati bilan Kogon tumanida bayram dasturi boʻlib oʻtdi

Maʼlumki yurtimizda noyabr oyining ikkinchi yakshanbasi tibbiyot xodimlari kuni sifatida keng nishonlanib kelinadi. Mazkur sana munosabati bilan mamlakatimizda sogʻliqni saqlash tizimini xalqaro andozalar asosida rivojlantirish, sohaga doir dasturlar ijrosini muvaffaqiyatli amalga oshirish borasidagi koʻp yillik samarali mehnati, ilgʻor xorijiy tajriba va zamonaviy davolash usullarini amaliyotga keng tatbiq etish, tibbiy xizmat koʻrsatish sifatini oshirish, aholi salomatligini ishonchli muhofaza qilish, jamiyatda sogʻlom turmush tarzini mustahkamlash ishlariga qoʻshgan munosib hissasi uchun bir qator soha fidoyilarining mehnatlari eʼtirof etiladi. Erishilgan yutuqlar va kelgusi rejalar sarhisob qilinadi.

“Adolat” SDP Kogon tuman Kengashi tomonidan sana munosabati bilan bayram tadbiri tashkil qilindi. Unda tumanda faoliyat yuritayotgan tibbiyot vakillari, partiya faollari ishtirok etishdi. Dastavval partiyaning tuman Kengashi raisi tibbiyot xodimlarini bayram bilan tabrikladi. Soʻnggi yillarda tibbiyot sohasidagi oʻzgarishlar, qolaversa, soha egalarining jasorati haqida alohida taʼkidladi.

Shundan soʻng tibbiyot sohasini rivojlantirish uchun munosib hissa qoʻshib kelayotgan, chuqur bilim va yuqori malakaga ega bir qator mutaxassislar partiyaning tashakkurnoma va esdalik sovgʻalari bilan taqdirlandi.

Shundan soʻng bayram tadbiri maʼnaviy-maʼrifiy qismga ulanib ketdi.

Mohigul Rahimqulova,

“Adolat” SDP Buxoro viloyati Kengashi matbuot kotibi.