Toʻyga toʻyona  

“Adolat” SDP Quva tuman Kengashining “Adolat qabulxonasi”ga roʻzgʻorini toʻkis qilish maqsadida ish masalasida yordam soʻrab kelgan, ayollar muammosiga tuman Kengash raisi Sh.Mamajonova tashabbusi bilan partiya kengashi binosidayoq yechim topildi. Partiya rahbari homiyligida “Qirolicha” tikuvchilik sexiga asos solindi va eng soʻnggi rusumdagi tikuv mashinalari xarid qilindi.

“Boʻston” MFY fuqarolari, “ Ayollar daftari”da roʻyxatga olingan, Z. Mirzarahimova hamda Sh. Mirzamatovalar ilk mahsulotlarini tikishni boshladilar va maktabni tamomlagan, hududdagi oʻzlari kabi band boʻlmagan xotin-qizlar tikuvchilik sirlarini oʻrganish uchun imkoniyat ham yaratildi.

“Inson manfaatlari –oliy qadriyat” loyihasi doirasida amalga oshirilgan harakat mamlakatimiz mustaqilligining 32 yillik toʻyi uchun munosib toʻyona boʻldi.

"Adolat" SDP 

Farg'ona viloyat kengashi matbuot xizmati.