Toshkent pediatriya tibbiyot institutida

Toshkent shahar prokurori va Toshkent shahar soliq boshqarmasi boshligʻining yoshlar bilan uchrashuvi tashkil etildi.

Toshkent pediatriya tibbiyot institutida “Rahbar va yoshlar uchrashuvi” tashkil etildi. Uchrashuvga Toshkent shahar prokurori 3-darajali Davlat adliya maslahatchisi Yuldashev Erkin Turakulovich, Toshkent shahar soliq boshqarmasi boshligʻi Nasimjonov Yunusjon Zoxidovich, Yunusobod tumani hokimi Abduvaliyev Baxodir Abdulxayevich va TPTI rektori B.T.Daminovlar ishtirok etdi.

Oʻzbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida”gi PQ-92-son qarori ijrosini taʼminlash maqsadida poytaxtimizning 64 ta mahalla yoshlar yetakchilari lavozimlari joriy qilingan hamda oʻz faoliyatini olib bormoqda. Yunusobod tuman yoshlar yetakchilari tomonidan avgust-oktyabr oylarida mahallada uyma-uy yurgan holda “Yoshlar balansi” shakllantirilib, 14-30 yoshdagi 70 892 nafar yoshlar roʻyxatga olindi. Shu kunga qadar yoshlar yetakchilari tomonidan yordamga muhtoj 1336 nafar yoshlarga amaliy yordam koʻrsatildi.

2022-yilda poytaxt yoshlari “Besh tashabbus olimpiadasi”da faol ishtirok etishib, 14 ta yoʻnalishlardan gʻoliblikni qoʻlga kiritishdi hamda Toshkent shahridagi tumanlar orasida 28 ta medal, 11 ta oltin, 8 ta kumush, 9 ta bronza medallarini qoʻlga kiritib 1 oʻrinni egalladi. Respublika boʻyicha 5 medal, 1 ta oltin, 4 kumush medallarni qoʻlga kiritdilar. Bu ham yoshlarimizga berilayotgan eʼtibor desak mubolagʻa boʻlmaydi. “Yoshlar daftari”ga kiritilgan professional va oliy taʼlim tashkilotlari oʻquvchi-talabalarining taʼlim toʻlov-kontrakt summasining bir qismini toʻlab berish maqsadida sertifikati bilan taqdirlanadiganlar 10 nafarni, “Temir daftar”ga kiritilgan oilalarning ahvoli ogʻir boʻlgan bemor farzandlariga mamlakatda yoki xorijiy davlatlarda davolanish bilan bogʻliq xarajatlar toʻlab berish maqsadida sertifikati bilan taqdirlanadiganlar 6 nafar nafarni, “Yoshlar daftari”ga kiritilgan yoshlarning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlarini qoplash maqsadida sertifikati bilan taqdirlanadiganlar 3 nafarni, “Yoshlar daftari”ga kiritilgan yoshlarga tadbirkorlik faoliyatini boshlash va oʻzini oʻzi band qilishga zarur boʻlgan asbob-uskunalar yoki mehnat qurollarini xarid qilishga subsidiya ajratiladigan yoshlar 8 nafarni,

“Besh tashabbus” olimpiadasida faol ishtirok etgani hamda Yunusobod tumanida faxrli oʻrinlarni egallagan yoshlarni taqdirlash 4 nafarni tashkil etadi. Bugungi uchrashuvimiz yoshlarga juda katta motivatsiya boʻldi desak yanglishmagan boʻlamiz. Buning uchun Toshkent shahar prokurori Erkin Turakulovichga, Toshkent shahar soliq boshqarmasi boshligʻi Nasimjonov Yunusjon Zoxidovichga hamda Yunusobod tumani hokimi Baxodir Abdulxayevichga Yunusobod tuman yoshlari nomidan minnatdorchilik bildirildi.

Abdulaziz Nosirov,

“Adolat” SDP Yunusobod tuman Kengashi raisi,

Xalq deputatlari Yunusobod tuman Kengashi deputati