“Urgut savdo majmuasida” tashkillashtirilgan targʻibot tadbiri!

Oʻzbekiston “Adolat” SDPning yangilanayotgan Konstitutsiyamiz mazmun-mohiyatini keng jamoatchilik vakillariga tushuntirishga bagʻishlangan targʻibot tadbirlari Respublikamiz boʻylab davom etmoqda. Referendumga bagʻishlangan navbatdagi targʻibot tadbiri Urgut tuman “Urgut savdo majmuasida” boʻlib oʻtdi. Unda partiya faollari, partiyaning Urgut tuman Kengashi yoshlar qanoti faollari hamda Urgut tuman aholisi ishtirok etdi.Urgut tumani ahli shirinsuxan, mehmondoʻstligi bilan ajralib turadi. Ulugʻ ajdodlarimiz aynan shu zaminda tavallud topgan. Qadimdan madaniyat, maʼrifat taraqqiy etgan hudud aholisi tabiiyki, Konstitutsiyaviy islohotlarga befarq emas.

Targʻibot davomida Konstitutsiyaviy Qonun loyihasidagi oʻzgarishlar haqida keng ommaga tushuntirish ishlari olib bordi. Uchrashuv va muloqot jarayonlarida 30-aprel kuni boʻlishi kutilayotgan Referendumga va kelajagimiz uchun oʻzgartilayotgan Konstitutsiyamizga xalqimiz tomonidan qoʻllab-quvvatlanayotganini bildirishdi.

Zamira Abdurahmonova,

“Adolat”SDP Urgut tuman Kengashi raisi.