Ustozlarga ehtirom...

Respublika ixtisoslashtirilgan onkologiya va radiologiya ilmiy- amaliy tibbiyot markazi Xorazm filialida 1- oktyabr- “Oʻqituvchi va murabbiylar kuni” munosabati bilan tashkil etilgan bayramona tadbir ana shu mavzuga bagʻishlandi.

Tadbirni filial direktori, “Adolat” SDP Xorazm viloyat Kengashi raisi Tohir Palvanov kirish soʻzi bilan ochar ekan, ustozlarning mashaqqatli va sharafli vazifasiga toʻxtaldi. Ularning minglab shogirdlariga boʻlgan mehri, sadoqati doim yoʻlchi-yulduz vazifasini oʻtab kelayotganini eʼtirof etdi.

Onkologiya sohasini tubdan isloh qilinishi, bemorlar dardiga malham boʻlib, xalqimiz salomatligi yoʻlida kecha-yu kunduz tinimsiz mehnat qilib kelayotgan barcha onkologlarni, jamoa aʼzolarini qutlugʻ shodiyona kuni bilan tabrikladi va yuksak parvozlar tiladi.

Xalqimiz baxtiga omon boʻling qadrli, salomatlik posbonlari!

Zamira Abdullayeva,

“Adolat” SDP Xorazm viloyat Kengashi,

RIO va RIATM Xorazm filiali matbuot kotibi.