“Uyma-uy” loyihasi doirasida fuqarolarning muammolari oʻrganildi

Oʻzbekiston “Adolat” SDP Oqqoʻrgʻon tuman Kengashi deputati Alisher Qurbonov tashabbusi bilan “Uyma-uy” loyihasi asosida “Zarafshon” mahalla fuqarolar yigʻini hududidagi xonadonlarda aholi murojaatlari boʻyicha oʻrganish ishlari olib borildi.

Jumladan, ushbu mahalladagi Ilmira Baxtiyarova xonadoniga tashrif buyurilib, fuqaroning bildirgan murojaatlari har taraflama muhokama qilindi. Muloqot davomida aniqlangan muammolar, fuqaroning uch farzandi bilan ayni damda uysiz ekanligi, farzandlarini davolatish uchun moddiy yordam soʻrab qilingan murojaatlari tuman hokimligiga taqdim etilib, uning ijrosi yuzasidan deputatlik nazorati oʻrnatildi.

Deputat fuqaroga bu borada huquqiy maslahatlar berib, amaliy yordam koʻrsatishga kelishib oldi. Muloqotlar davomida oddiy aholi vakillariga Prezidentimizning Vodiy viloyatlariga tashrifi chogʻida koʻtarilgan masalalar, hududlarda amalga oshiriladigan bunyodkorlik ishlari haqida maʼlumotlar berildi.

“Adolat” SDP Toshkent viloyati Kengashi 
Matbuot xizmati.