“Vatan kelajagi yoshlar qoʻlida”

Barchamizga maʼlumki davlatimiz rahbari  ijtimoiy, maʼnaviy-maʼrifiy sohalardagi ishlarni yangi tizim asosida yoʻlga qoʻyish boʻyicha 5 ta muhim tashabbusni ilgari surgan edi.

Ushbu “Besh muhim tashabbus” yoshlarni madaniyat, sanʼat va sportga keng jalb etish, ularda zamonaviy axborot texnologiyalaridan toʻgʻri foydalanish koʻnikmasini shakllantirish, kitobxonlik madaniyatini yuksaltirish, xotin-qizlar bandligini taʼminlash kabi vazifalarini oʻz ichiga oladi.

“Besh muhim tashabbus”ning birinchi tashabbusi yoshlarning musiqa, rassomlik, adabiyot, teatr va sanʼatning boshqa turlariga qiziqishlarini oshirishga, isteʼdodini yuzaga chiqarishga xizmat qilib kelmoqda.

Partiyaning Kogon tuman Kengashi tomonidan yoshlarning yozgi taʼtilda boʻsh vaqtlarini mazmunli tashkil etish boʻyicha tadbir tashkil etildi. Ushbu tadbirda “Besh muhim tashabbus” yoʻnalishlari boʻyicha yoshlarga kengroq tushunchalar berildi. Tadbir davomida ularning ijod namunalari bilan tanishildi.

Yurtimizda yoshlarning istiqbolli kelajagini taʼminlash maqsadida katta ishlar amalga oshirilmoqda. Yurtboshimiz rahnamoligi va tashabbuskorligida yoshlar salohiyatini ezgu maqsadlarga yoʻnaltirish, ularni konstruktiv gʻoyalar atrofida birlashtirish boʻyicha aniq chora-tadbirlar hayotga tatbiq etilmoqda.

Davlatimiz rahbarining gʻamxoʻrligi tufayli bugungi yoshlar zamonaviy bilim va taraqqiyot choʻqqilarini egallab, innovatsion tashabbuslari, gʻayrat-shijoati, erishayotgan yutuqlari bilan Vatanga munosib, sadoqatli farzandlar boʻlib yetishishlari uchun barcha imkoniyatlar muhayyo. Maqsad ayon – biz yoshlarni qoʻllab-quvvatlash, maʼnan yetuk, jismonan sogʻlom, intellektual rivojlangan, mustaqil fikrlaydigan yosh avlodni kamolga yetkazish.

Shexroz Norov,

Oliy Majlis Senati huzuridagi Yoshlar parlamenti aʼzosi,

“Adolat” SDP Kogon tuman Kengashi raisi, Xalq deputatlari Kogon tuman Kengashi deputati.