Xalq dardi-yurt taqdiri

Aholidan tushayotgan hech bir murojaatni eʼtiborsiz qoldirmayotgan xalq deputatlari Mirishkor tumani Kengashidagi Oʻzbekiston “Adolat” SDP deputatlik guruhi aʼzosi Nazira Toʻrayeva fuqarolarni jamiyat va davlatdan rozi qilish uchun barcha choralarni koʻrmoqda. Aholiga Prezidentimiz tomonidan amalga oshirilayotgan islohotlar yurtdoshlarimiz uchun saodatli hayotni, yashashning yuqori darajasini taʼminlashga qaratilganini keng tushuntiryapti.

Partiyaning “Adolat-qonun ustuvorligida” loyihasi doirasida deputat Nazira Toʻrayeva Navbahor QFY aholisi bilan uchrashganda, Raʼno Hayitova turmush oʻrtogʻi vafot etgani, yosh bolalari bilan uyda qolgani tufayli ijtimoiy yordam koʻrsatishlarini soʻrab murojaat qildi. Deputat tuman moliya boʻlimiga deputatlik soʻrovi yuborib, Raʼno Hayitovani tikuvchilik kasbidan xabari borligini inobatga olib tikuv mashinasi olishida yordam berdi. Endilikda u tikuvchilik qilib, qishloq odamlariga ham nafi tegmoqda, ham oʻzi oilasini boqyapti.

Navbahor qishlogʻida yashovchi Qunduz Qoʻldosheva fuqarolik pasportida xatolik borligi sababli yangisini olishda qiyinchiliklar yuzaga kelayotgani bois, mazkur muammoni bartaraf etish uyzasidan koʻmak koʻrsatilishini soʻrab yoʻllagan murojaati, Deputat tomonidan ichki ishlar vakillari bilan hamkorlikda oʻrganilib, fuqaroni qiynab kelayotgan masala ijobiy hal etildi.

Aholi ishonchli vakillari koʻmagida muammolariga yechim topilayotganidan minnatdor.

Toʻlqin Xidirov, partiya faoli.