Xalq manfaati yoʻlida fuqarolar bilan yuzma-yuz..

Xalqni qiynab kelayotgan muammolarni oʻz vaqtida hal etishga deputatlarning doimiy maqsadiga aylangani quvonarli albatta. ”Adolat” SDP Kogon shahar Kengashi raisi Zarnigor Tosheva hamda shahar Kengashi deputatlik guruhi aʼzolaridan tashkil topgan ishchi guruh tomonidan partiyaning “Muammo bilan yuzma-yuz” loyihasi doirasida shahardagi “Mustaqillik”, MFY hududlarida yashovchi fuqarolar bilan yuzma-yuz muloqotlar oʻtkazilib, ularning muammolari oʻrganildi va murojaatlari tinglandi.

Shuningdek, ishchi guruh aʼzolari bilan mahallada “Kashtachilik” yoʻnalishida tadbirkorlik qilib kelayotgan Soliha ayaning xonadonlarida boʻldi. Hunarini yosh avlodga mehr bilan oʻrgatayotganini guvohi boʻlishdi.

Shu oʻrinda taʼkidlash joizki, oʻzbek milliy kashtadoʻzligi xalq hunarmandchilik sanʼatining eng qadimiy turlaridan boʻlib, u xalqning turmushini goʻzal qilish istagi natijasida yuzaga kelgan. Kashta kiyimlar va buyumlarni bezashda hamda roʻzgʻor bezak buyumlari tayyorlashda qadimdan qoʻllanilib kelinmoqda.

Soliha aya bu hunarni yoshlarga oʻrgatish borarida ularni ish bilan taʼminlab ham kelmoqda. Uning kashtalari mamlakatimizda, balki chet ellarda ham shuhrat qozongan. “Oʻzbek chevar”ining qoʻl ishi bilan tikilgan kirpich, soʻzana, zardevor, gulkoʻrpa, choyshab kabilar Fransiya, Italiya, Yaponiya, Germaniya, Belgiya, Amerika, Hindiston kabi xorijiy, shuningdek Respublikamizning barcha xonadonlarda, balki amaliy sanʼat muzeylarida doimiy ekspozitsiyaga aylanib ulgurgan.

Ishchi guruh bilan birgalikda hunarmand ayol faoliyatini yanada kengaytirish masalalari muhokama qildi.

Mohigul Rahimqulova,

“Adolat” SDP Buxoro viloyat Kengashining matbuot kotibi.