Xalq noibi tomonidan mahallada obodonlashtirish ishlari olib borilmoqda

Davlatimiz rahbari Shavkat Mirziyoyev tashabbusi bilan ishlab chiqilgan yangicha – mahallabay va fuqarobay ishlash tizimi asosida xalq bilan muloqot qilish, ish tashkil etish, joylardagi muammolarni o‘rganish hamda ularning yechimini topish avvalo, aholining turmush farovonligini oshirishga xizmat qilmoqda.

Shu kabi ishlar Buxoro shahar “Varaxsha” mahalla fuqarolari yig'inida mahalla binosi atrofini faollar ishtirokida obodonlashtirish, ta'mirlash ishlari "Adolat" SDP Buxoro shahar Kengashi raisi, Xalq deputatlari shahar kengashi deputati Abdurauf Axmedovning homiyligi, tashabbuskorligida olib borilmoqda.

Jumladam, mahalla fuqarolar yig’ini binosining atroflari beton qilinmoqda, binoning bog’chasiga archa va gullar ekilmoqda.

Shuningdek, “Yashil makon” umummilliy loyihasi doirasida ham mazkur mahalla hududida deputat A.Ahmedov homiyligi asosida 100 tup mevali va manzarali daraxt ko‘chatlari ekildi. 

Xalq noiblari tomonidan viloyatmiz bo’ylab “Mahallabay” ishlash tizimi orqali bu kabi vazifalar bajarilmoqda.

Mohigul Rahimqulova

“Adolat” SDP Buxoro viloyat Kengashi matbuot kotibi