Xalq noyibi yoshlar bilan uchrashdi

“Adolat” SDP Qoravulbozor tuman Kengashi tomonidan tumandagi “Boʻzachi” mahallasida joylashgan 4-umumiy oʻrta taʼlim maktabida “Deputat, tadbirkor va yoshlar” uchrashuvi tashkil etildi. Uchrashuvda Xalq deputatlari tuman Kengashi deputati Mеhriniso Bobonazarova, tuman hokimining maslahatchisi O.Xolova, tadbirkor ayol Sanobar Hasanovalar, partiya faollari hamda oʻquvchi yoshlar ishtirok etishdi.

Tadbirni kirish soʻzi bilan ochib bergan Xalq deputatlari tuman Kengashi deputati M.Bobonazarova bugungi kunda yoshlarga davlatimiz rahbari tomonidan yaratilayotgan keng imkoniyatlardan oqilona foydalanish, internet tarmoqlarida berilayotgan axborotlarni qabul qilish, axborot tarqatish madaniyatini shakllantirish, yoshlarda mafkuraviy immunitetni shakllantirish, internet tarmoqlari orqali uyushtiriladigan hujumlardan saqlash, yolgʻon va zararli axborotlardan “zaharlanish”lar toʻgʻrisida toʻxtalib oʻtdi.

Prezidentimiz taʼkidlaganidek: “Farzandlarimiz maktabdan qanchalik bilimli boʻlib chiqsa, yuqori texnologiyalarga asoslangan iqtisodiyot tarmoqlari shuncha tez rivojlanadi, koʻplab ijtimoiy muammolarni yechish imkoni tugʻiladi. Shunday ekan, Yangi Oʻzbekiston ostonasi maktabdan boshlanadi desam, oʻylaymanki, butun xalqimiz bu fikrni qoʻllab-quvvatlaydi”.

Gulchilik faoliyati bilan shugʻullanib kelayotgan Sanobar Hasanova yoshlarga bu sohaning oʻziga xos sir-asrorlari borasida qimmatli maʼlumotlar berib otdi. Bevosita gulxonaga uyushtirilgan ekskursiya yanada katta taassurot qoldirdi.

Shundan soʻng, yoshlar tadbirkor ayolning gulchilik faoliyati bilan ish joyining oʻziga borib yaqindan tanishdilar.

Yoshlar oʻzlarini qiziqtirgan savollarga deputat tomonidan batafsil javob olishdi.

Mohigul Rahimqulova,

“Adolat” SDP Buxoro viloyat Kengashi matbuot kotibi.