Xotin-qizlar bilan sayyor qabul oʻtkazildi

Oʻzbekiston “Adolat” SDP “Ayollar qanoti” Oltinsoy tuman Kengashi va viloyat Oila va xotin-qizlar boʻlimi hamkorligida tumandagi “Obshir” mahallasida “Obod mahalla” dasturi boʻyicha xotin-qizlar muammolari oʻrganish yuzasidan sayyor qabul oʻtkazildi.

Mazkur sayyor qabul doirasida fuqarolarning savdo va xizmat koʻrsatish, servis xizmatlari, oʻz sogʻliklarini tiklashlarida tibbiy yordam olish, uy-joy bilan taʼminlanish, ishga joylashish, yordam puli, pensiya taʼminoti masalalaridagi murojaatlari koʻrib chiqildi. Shuningdek, murojaatlarning aksariyatidagi kommunal (gaz, elektr, suv, issiqlik taʼminoti), yoʻl qurilishi, uy-joy va yer bilan taʼminlash, qurilish, bandlik masalalari ham koʻrib chiqildi. Shuningdek, sogʻliqni saqlash, kredit olish, moddiy yordam ajratish, davlat xizmati faoliyati, pensiya va nafaqa, aliment undirish va boshqa masalalar yuzasidagi murojaatlar tegishli mutasaddilar yordamida hal qilindi.

Sayyor qabuldagi murojaatlar sohalar kesimida tahlil qilinganda, eng koʻp murojaatlar kommunal, yoʻl, uy-joy va yer ajratish, qurilish hamda bandlik masalalariga taalluqli ekani aniqlandi.

Murojaatlarning ayrimlari joyida hal qilindi. Mutasaddilarga kerakli topshiriqlar berildi va nazoratga olish belgilandi.

Gulorom Bobomirzayeva, “Obshir” MFY xotin-qizlar faoli:

-Fuqarolarning kundalik turmush tarzini tizimli ravishda oʻrganish, bu borada aniqlangan muammolarni manzilli ravishda bartaraf etish ishlarini jadallashtirish maqsadida tumanimiz boʻylab joylarda sayyor qabullar uyushtirilmoqda. Ana shunday ishlarning uzviy davomi sifatida “Obshir” mahallasida oʻtkazilgan sayyor qabulda fuqarolarning bir qator muammolari muhokama qilinib, yechimini topish choralari koʻrildi.

Sayyor qabulda ushbu mahallada yashovchi bir guruh fuqarolarning 23 ta murojaatlari koʻrib chiqildi.

Sayyor qabulda fuqarolardan tushgan murojaatlarning 7 tasi yaʼni, “Ayollar daftari”da roʻyxatda turgan xotin-qizlarga mikrotoʻlqinli pech va bir nafar fuqaroga ID-karta yana bir nafariga xorijga chiqish pasporti berildi. Jumladan, mahallada yashovchi yana bir fuqaroga oʻzini oʻzi band qilishi uchun payvandlash apparati berildi.

Qolgan murojaatlarning 3 tasiga huquqiy tushuntirish berilgan boʻlsa, mablagʻ va vaqt talab etadigan 13 murojaat esa ish yurituviga qabul qilinib, ijrosi nazoratga olindi. Bu boradagi ishlar davom ettirilmoqda.

Malika Xidirova,
Oʻzbekiston “Adolat” SDP Oltinsoy tuman
“Ayollar qanoti” Kengashi raisi