Xotin-qizlar jamiyatdagi- yangilanishlar faoli

Fargʻona davlat universitetining Iqtisodiyot fakultetida talaba qizlar ishtirokida “Xotin-qizlar – jamiyatdagi yangilanishlar faoli” mavzusida uchrashuv tashkil etildi.

Uchrashuvga “Adolat” SDP Fargʻona viloyat Kengashi raisi, Fargʻona shahridagi “Ibratli begim” nodavlat taʼlim muassasasi hamda “Roza-Al” xususiy korxonasining asoschisi, “Shuhrat” medali, “Faol tadbirkor” koʻkrak nishoni sohibasi Sh.Gʻaniyeva; “Sart libos” oilaviy korxonasi rahbari D.Mamajonova, psixolog M.Xaitova hamda “Ibratli bekam” oʻquv markazining professional oʻqituvchilari tashrif buyurdilar.

Tadbirda soʻzga chiqqanlar tadbirkorlik bilan shugʻullanish istagida boʻlgan xotin-qizlarning bilimini oshirish, bu borada ular uchun mamlakatimizda yaratilayotgan shart-sharoitlarni hayotiy misollar bilan tushuntirib oʻtdilar. “Adolat” SDP partiyasining saylov oldi dasturi, kelgusidagi maqsad va vazifalari xususida ham maʼlumotlar berib oʻtildi.

Shuningdek, qizlarni oilaviy hayotga tayyorlash borasida ham mutaxassislar tomonidan tushunchalar berildi. Jumladan, oila munosabatlari, oila mustahkamligida milliy urf-odatlarimizning oʻrni, boʻlajak oila bekalari uchun oilaviy hayotda kerak boʻladigan kasb-hunarlarni puxta egallashlari lozimligi haqida alohida toʻxtalib oʻtildi.

Talaba qizlar oʻzlarining qiziqtirgan savollariga mutaxassislar tomonidan atroflicha javob oldilar.

“Adolat” SDP

Farg’ona viloyat kengashi Matbuot xizmati.