Xususiy mulki himoyasi Bosh Qomusimizda aks etmoqda

Yangilanayotgan Konstitutsiyamizning 65 — moddasi orqali Oʻzbekiston Respublikasida barcha mulk shakllarining teng huquqliligi va huquqiy jihatdan himoya qilinishi taʼminlanishi, xususiy mulk daxlsiz ekanligi, mulkdor oʻz mol-mulkidan qonunda nazarda tutilgan hollardan va tartibdan tashqari hamda sudning qaroriga asoslanmagan holda mahrum etilishi mumkin emasligi qatʼiy belgilab qoʻyilmoqda.

Yana shunisi ham eʼtiborga molikki, 66-moddada mulkdor oʻziga tegishli boʻlgan mol-mulkka oʻz xohishicha egalik qiladi, undan foydalanadi va uni tasarruf etadi. Mol-mulkdan foydalanish atrof-muhitga zarar yetkazmasligi, boshqa shaxslarning, jamiyat va davlatning huquqlarini hamda qonuniy manfaatlarini buzmasligi kerakligi qayd etilgan.

Men Kadastr agentligi vakili sifatida shuni aytamanki, fuqarolarning xususiy mulkini himoya qilishga qaratilgan qatʼiy qoidalar va normalarning Bosh Qomusimizda oʻz aksini topishi jamiyat iqtisodiy negizining asosi hisoblangan bozor munosabatlarining keng rivojlanishiga, eng asosiysi qulay, ishonchli va xavfsiz tadbirkorlik muhitining yuzaga kelishiga zamin yaratadi.

Hurmatli vatandosh, qadrli tengdoshim, agar siz oʻz taqdiringizga befarq boʻlmasangiz joriy yilning 30-aprel kuni Konstitutsiya boʻyicha referendumda, faol ishtirok eting va oʻz fuqarolik pozitsiyangizni bildiring.

Aziz Xaitov,

Kadastr agentligi Samarqand viloyati boshqarmasi

Axborot xizmati boʻyicha bosh mutaxassisi, partiyaning Samarqand viloyat Kengashi

Yosh adolatchilar qanoti faoli aʼzosi.