“Yangi hayot uchun, Yangi  Oʻzbekiston uchun”

Oʻzbekistonimiz Mustaqillikka erishgan kunning oʻttiz ikki yilligini nishonlash arafasidamiz.

Prezidentimiz Shavkat Mirziyoyev “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni yuqori saviyada oʻtkazish toʻgʻrisida”gi qarorni imzolar ekan, bu yilgi bayram tantanalari, yurtimizda “Yangi hayot uchun, Yangi  Oʻzbekiston uchun” degan ezgu gʻoyani oʻzida mujassam etgan tashkiliy –amaliy, maʼnaviy- maʼrifiy shior ostida nishonlash rejaga qoʻyildi.

Davlatimiz rahbari Oʻzbekiston Respublikasi Mustaqilligining
32 yilligiga bagʻishlangan qaroridan koʻzlangan maqsad vatanimiz mustaqilligini yanada mustahkamlash hamda yurtimizdagi barcha sohalarni takomillashtirish koʻzda tutilgan boʻlib, albatta bularning barchasi salohiyatli kadrlarimiz va mutaxassislarimiz hamda bilimga toʻla yoshlarimiz qoʻlidadir.

“Xalqimizning ulugʻvor qudrati joʻsh urgan hozirgi zamonda Oʻzbekistonda yangi bir uygʻonish – Uchinchi Renessans davriga poydevor yaratilmoqda, desak, ayni haqiqat boʻladi” deb taʼkidlaymiz.

Haqiqatdan ham, Oʻzbekiston – har jihatdan boy mamlakat. Uning tabiiy boyliklaridan-da qadrliroq xazinasi – boy maʼnaviy merosi, ziyoli xalqi va intellektual salohiyatli yoshlari bor.

Bugun yurtimiz shahar-u qishloqlarida qad rostlayotgan ishlab chiqarish korxonalari, zamonaviy loyihalar asosidagi uy-joylar koʻrkiga koʻrk qoʻshib, muhtasham taʼlim maskanlari ham bunyod etilmoqda. Ulardagi zamonaviy kompyuter sinflari, zarur oʻquv-metodik adabiyotlar, turli xil laboratoriya uskunalari, sport zallari farzandlarimizning maʼnan hamda jismonan barkamol boʻlib ulgʻayishiga xizmat qilmoqda.

Darhaqiqat, bugun mamlakatimizdagi taʼlim maskanlari har qanday kishining havasini tortadigan zamonaviy qiyofa kasb etgan. Ularda har tomonlama barkamol, intellektual salohiyati yuksak farzandlarimiz dunyoda hech kimdan kam boʻlmay taʼlim-tarbiya olmoqda.

Mustaqil taraqqiyot yoʻlidagi keng koʻlamli islohotlarimizni izchil davom ettirish, barcha soha va tarmoqlar rivojini yangi bosqichga olib chiqish maqsadida bugungi kunda yurtimizda millati, tili va dinidan qatʼi nazar, har bir fuqaro erkin va farovon yashaydigan yangi jamiyat va davlat barpo etilmoqda. Mamlakatimiz siyosiy hayotidagi muhim voqealar, xususan, yangilangan Konstitutsiyamizning qabul qilinishi el-yurtimiz Yangi Oʻzbekistonni, Uchinchi Renessans poydevorini yaratishga qaratilgan islohotlarni har tomonlama qoʻllab-quvvatlab kelayotganini yana bir bor yaqqol namoyondasidir. Oʻylaymanki Mustaqilligimiz tufayli biz yurtimiz gʻururlanadigan, faxrlanadigan yuksak yutuqlarga erishmoqdamiz. Albatta   yurtimiz bayrogʻini yuksaklarga koʻtarish va har sohada rivojlantirish yoshlarimizning   kuchga toʻla shijoatidadir.

Mustaqilligimizning 32 yilligi munosabati bilan “Yangi hayot uchun, Yangi  Oʻzbekiston uchun” “ shiori bilan nomlangan tantanali bayramni oʻtkazishga shijoat bilan xizmat qilamiz oʻylaymanki bu har bir vatandoshlarimizning burchidir.Yangi Oʻzbekistonimizni yanada yaxshilashga, yanada rivojlantirishga bel bogʻlar ekanmiz albatta yoshlarimizga tayanamiz. Yoshlarimizning yetuk mutaxassis kadr boʻlib etishishi bu :yangi hayotimizni qurishdir, yangi Oʻzbekistonimizni yaratishdir.

                                                                                  Maʼrifat Nazarova,

      “Adolat” SDP Jizzah viloyat kengashi matbuot kotibi.