“Yangi konstitutsiya bilan umummilliy taraqqiyot sari”

Bugun mamlakatimiz katta tub burilish oldida turibdi. Ayni shu jarayonlarning koʻplab targʻibot tadbirlari Samarqand viloyati boʻylab ham tashkillashtirilmoqda. Shu jumladan Samarqand “Xoʻjazudmurod”, “Qoʻshhovuz” va “Hilol” mahalla fuqarolar yigʻinlari faollari va aholisi bilan birgalikda tashkil etildi. “Yangi konstitutsiya bilan umummilliy taraqqiyot sari” mavzusida tashkillashtirilgan targʻibot tadbirida asosan mahalla xotin-qizlari, mahalla katta Imom xatibi, Xotin-qizlar masalalari boʻyicha hokim oʻrinbosari hamda mahalla raislari ishtirok etishdi. Yangilanayotgan Konstitutsiyaning mazmun-mohiyatiga bagʻishlangan targʻibot tadbiri Xoʻjazudmurod mahallasida joylashgan 10-son umumtaʼlim maktab binosida boʻlib oʻtdi.

Soʻz olganlar kiritilayotgan yangi normalar va moddalarda xalq manfaati ustun qoʻyilayotganligi, yechimini kutib turgan masalalar boʻyicha berilgan takliflar va ularning hayotimiz, turmush tarzimizga mosligi, ayniqsa, oila, taʼlim, sogʻliqni saqlash va gender masalalariga qaratilgan eʼtibor xususida oʻz fikr-mulohazalarini bildirishdi.

Tadbirlar soʻnggida barchani 30-aprel kuni oʻtkazilishi kutilayotgan referendumda faol boʻlishga chaqirildi.

Muhiba Sayfiddinova,

Xalq deputatlari Samarqand shahar Kengashi deputati.