Yangi Konstitutsiya-ertaning kafolati

Partiyaning Termiz shahar Kengashi hamda shahar “Ayollar qanoti” Kengashi tomonidan shahardagi 8-sonli umumta’lim maktabida “Konstitutsiyaviy islohot – bugunning talabi, ertaning kafolati!” shiori ostida “O‘zbekiston Respublikasi Konstitutsiyasi to‘g‘risida”gi O‘zbekiston Respublikasi Konstitutsiyaviy qonuni loyihasining mazmun-mohiyatiga bag‘ishlangan tadbir tashkil etildi.Tadbirda partiya Termiz shahar Kengashi hamda «Ayollar qanoti» Kengashi faollari, deputatlar, BPT a’zolari, maktab pedagog- o‘qituvchilari qatnashdilar.

         Tadbirda so‘zga chiqqanlar Konstitutsiyaviy qonun loyihasi bilan amaldagi Konstitutsiyamizning moddalari 128 tadan 155 taga, uning normalari esa 275 tadan 434 taga, ya’ni Konstitutsiyamiz qariyb 65 foizga yangilanayotganligi ta’kidlandi. Amaldagi 128 ta moddadan 91 tasiga konseptual o‘zgartirishlar kiritilayotganligi aytib o‘tildi.

       Nazokat Xidirova, Xalq deputatlari Termiz shahar Kengashi deputati:

• Bugun barcha sa’y-harakatlar, muxtasar aytganda, inson qadrini yuksaltirishga qaratilgan ekan, Bosh qomusimizga kiritiladigan barcha o‘zgartishlarning negizida ham O‘zbekistonda kechayotgan islohotlar mohiyatini belgilovchi “Inson qadri uchun” ulug‘vor g‘oyasi yotganligini e’tirof etish mumkin. Konstitutsiyaviy o‘zgarishlarning asl mohiyati ham shu aslida. Chunki xalqimiz hozirgi tarixiy islohotlarning mazmun-mohiyatini to‘la anglab yetmoqda. Xalq fikrini o‘rganish asosida mamlakat konstitutsiyasini takomillashtirish yurtimizda amalga oshirilayotgan islohotlarni yangi sifat darajasiga ko‘tarish, xalqimizning turmush farovonligini yanada oshirish, O‘zbekistonning dunyodagi eng ilg‘or davlatlari qatoriga kirishiga ulkan imkoniyatlar yaratadi.

      Tadbir so‘ngida deputatlar barchani xalqimiz taqdiri va ertangi kunini belgilab beradigan tarixiy Qonunga befarq bo‘lmasdan, 30 aprelda bo‘lib o‘tadigan refrendumda faol ishtirok etishga chaqirib qolishdi.

Oynobod Lapasova,

Xalq deputatlari Termiz shahar Kengashi deputati