Yangi Konstitutsiya: Tashviqot-targʻibot ishlari davom etmoqda...

Yangi tahrirdagi Konstitutsiya Oʻzbekiston taraqqiyotidan kelib chiqayotgan hayotiy zarurat boʻlib, bu ish mamlakat, millat va xalq sifatida keyingi qadamlarimizni aniqlab olishimiz uchun gʻoyat ahamiyatli masala, adolatli jamiyat qurish yoʻlidagi ulkan qadam hisoblanadi.

Darhaqiqat, bugun joylarda yangilanayotgan Konstitutsiyaning mazmun-mohiyatiga bagʻishlab tashkil etilayotgan uchrashuvlar, barcha targʻibot tadbirlarining ham mavzulari Konstitutsiyamizning yangi tahriri va undagi inson manfaatlari yoʻlida ishlangan qonuniy normalarga bagʻishlanmoqda.

Oliy Majlis Qonunchilik palatasi deputati Muzaffara Abdiyevaning oʻz saylovchilari bilan bu galgi uchrashuvlari Pastdargʻom tumanining “Bogʻanali”,“ Yuqori Bogʻanali”, “Toʻrtaygʻir”,“ Paxtachi” mahallalariga qarashli 27-son oilaviy poliklinika va oilaviy shifokorlik punktida davom etdi.

Tadbirda Muzaffara Abdiyeva, Xalq deputatlari Pastdargʻom tumani Kengashi deputati Feruz Toʻrayev, “Adolat” SDP Pastdargʻom tumani Kengashi raisi Xonbuvi Hayitovalar yangi tahrirdagi Konstitutsiya loyihasiga kiritilayotgan konseptual oʻzgarishlar va undagi inson qadri, fuqarolarning huquqlari va qonuniy manfaatlari davlat tomonidan kafolatlanishi haqida atroflicha maʼlumot berishdi.

Shuningdek, mahalladagi ayrim fuqarolarni qiynayotgan muammolari yuzasidan murojaatlari tinglandi hamda mutasaddilar bilan yechim topish masalasida kelishib olindi.

Quyosh Haqberdiyev,
Xalq deputatlari Pastdargʻom tuman Kengashi deputati