Yangi Konstitutsiyada davlatning ijtimoiy majburiyatlariga doir normalar uch barobarga oshmoqda

Narpay tuman “Koʻk ota” mahalla fuqarolar yigʻinida joylashgan 11 – umumtaʼlim maktabida Konstitutsiyaviy qonun loyihasi targʻibotiga bagʻishlangan tadbiri boʻlib oʻtdi.

Mahalliy Kengash deputati Sojida Usmonova, “Adolat” sotsial demokratik partiyasi Narpay tuman Kengashi, mahalla faollari va keng jamoatchilik vakillari ishtirok etgan tadbirda Yangi Konstitutsiyamizga kiritilgan moddalar, referendum oʻtkazish qoidalari haqida soʻz yuritildi.

Xususan, Konstitutsiyada kambagʻallikni qisqartirish, bandlikni taʼminlash, ishsizlikdan himoya qilish boʻyicha davlat oʻziga qator yangi majburiyatlar olishi belgilanayotgani, umuman, davlatning ijtimoiy majburiyatlariga doir normalar uch barobarga oshayotgani alohida taʼkidlandi.

Davlatimiz rahbari bu borada toʻxtalib, oʻtgan yili 50 ming oila uchun yangi kvartiralar olishga sharoit yaratilgani, bu yil 90 ming, yaqin 2-3 yilda esa, 200 ming oilani uy-joyli qilish rejalashtirilganligi, shu bois, har bir fuqaroning uy-joyli boʻlish huquqi va uy-joy qurilishi davlat tomonidan ragʻbatlantirilishining Konstitutsiyamizda mustahkamlanayotganligi ushbu marralarga erishish uchun mustahkam zamin hozirlashini qayd etdi.

Katta koʻtarinkilik va bayramona ruhda oʻtgan tadbirda barcha qatnashchilar 30-aprel kuni boʻlib oʻtadigan referendumda Yangi Konstitutsiya qonun loyihasini toʻliq qoʻllab-quvvatlab ovoz berishlarini bildirdilar.

Jahongir Xoliqov,
“Adolat” SDP Narpay tuman Kengashi raisi.