Yangi oʻquv yiliga yangi maktab

Mamlakatimizda olib borilayotgan keng koʻlamli islohotlar barcha sohalar singari taʼlim tizimida ham yaqqol koʻzga tashlanmoqda. Qoʻlga kiritilayotgan ijobiy natijalar nafaqat yurtimiz, shu bilan birgalikda, xalqaro mutaxassislarning ham eʼtirofiga sazovor boʻlayotgani quvonarlidir.

Yangi oʻquv yili boshlanish arafasida ekan, maktablarda oʻquv yiliga tayyorgarlik jarayonlari ketmoqda. Yangi oʻquv yiliga maktablarning tayyorgarlik jarayonlarini kuzatish maqsadida Jizzax viloyati Kengashi “Adolat” SDP mutaxassislari Jizzax shahri Zargarlik mahallasidagi 30-maktabga tashrif buyurdilar. Yangi maktab,yangi jihozlar,yangi oʻquv yili bu albatta oʻquvchilarimizni quvontiradi, balki oʻqituvchilarimizni ham. Maktabga tashrif jarayonida 30-maktab Direktor oʻrinbosari   Jalilov Jasur hamda oʻqituvchilari bilan suhbat oʻtkazildi.

“Taʼtil boʻlishiga qaramay yangi oʻquv yiliga yangi maktabda ish faoliyatimizni boshlash uchun jamoamiz bilan oʻquv xonalarini shay holatga keltiryapmiz, -deydi suhbatdoshimiz Jasur Jalilov.

Bu maktablar yuksak salohiyatli yoshlarni tarbiyalashda, yangi avlod vakillarini tayyorlashda asosiy boʻgʻin boʻlishi shubhasiz.Sinf xonalarni ham kuzatganimizda maktab oʻqituvchilari suhbat jarayonida ularning yangi oʻquv yilini yangi maktab binosida boshlashlari ularga olam -olam quvonch baxsh etayotganining guvohi boʻldik. Maktab 990 oʻrinli boʻlib, toʻliq yangi oʻquv jihozlari bilan taʼminlangan.

Biz Oʻzbekistonni yangi rivojlanish bosqichiga olib chiqishni oʻzimizga maqsad qilgan ekanmiz, bu vazifani roʻyobga chiqarishda bizga yangi avlod vakillari zarur. Shunday ekan, vatanparvar, yuksak salohiyatli yoshlarni tarbiyalashda maktablarimizning oʻrni beqiyosdir.

Ma’rifat  Nazarova,

“Adolat” SDP Jizzax viloyat kengashi  Matbuot xizmati.