Yangi Oʻzbekistonning kelajagi

“Adolat” SDP Andijon shahar kengashi tomonidan “Yoshlar salomatligi partiya eʼtiborida” loyihasi doirasida kelajagimiz egalarini sogʻlom va barkamol insonlar qilib voyaga yetkazishga alohida eʼtibor qaratilmoqda. Navroʻz bayrami oldidan Andijon davlat tibbiyot institutidagi “Yosh adolatchilar” ishtirokida oʻtkazilgan futbol musobaqasi ayni shu maqsadga qaratildi.

Doimiy tarzda jismoniy mashqlarni bajarib, tanani chiniqtirib borish insonga faollik va tetiklik baxsh etadi. Ayniqsa, sevimli sport turi bilan shugʻullanish kayfiyatni koʻtaradi. Bu talaba-yoshlarning boʻsh vaqtlarini futbol maydonida oʻtkazishlarida oʻz ifodasini topmoqda.

Maydonga birinchi boʻlib “Paxtakor” va “Lochinlar” jamoalari tushdi. Yosh futbolchilarning harakatlari, chaqqonligi havas qilarli. Bu sogʻlom hayot belgisi. Sportga oshno yigitlar Yangi Oʻzbekistonning kelajagi.

Oʻtkirbek Arziqulov,

“Adolat” SDP Andijon shahar kengashi raisi.