Yangi tahrirdagi Konstitutsiya inson huquqlarining mustahkam asosi boʻlib xizmat qiladi

Boyovut tumanida yangilanayotgan Konstitutsiyamizning mazmun-mohiyatiga bagʻishlangan “Yangi Oʻzbekiston – ijtimoiy davlat!” mavzusida targʻibot tadbiri oʻtkazildi. Tadbirda Xalq deputatlari Boyovut tumani Kengashining deputatlari, tumandagi korxona va tashkilot xodimlari hamda faol yoshlar ishtirok etishdi.

Oliy Majlis Qonunchilik palatasi deputati Inomjon Qudratov tomonidan “Oʻzbekiston Respublikasining Referendumi toʻgʻrisida”gi qonuni loyihasi mazmun-mohiyati boʻyicha soʻz borgan boʻlsa, Oʻzbekiston “Adolat” sotsial-demokratik partiyasi” viloyat kengashi raisi Jamol Kamolov “Oʻzbekiston Respublikasi Konstitutsiyasi toʻgʻrisida”gi Konstitutsiyaviy Qonun loyihasi va bosh qomusimizga kiritilayotgan normalarga alohida toʻxtalib, ularning ahamiyati toʻgʻrisida batafsil maʼlumotlar berib oʻtdi.

Xususan :Konstitutsiya loyihasidagi moddalar soni amaldagi 128 tadan 155 taga, normalar soni 275 tadan 434 taga oshgani , asosiy qonunimiz matni qariyb 65 foizga ortgani va xalqimiz takliflari asosida yangilanayotganligi Yangilanayotgan Konstitutsiya:kuchli ijtimoiy himoya va muhtojlarga gʻamxoʻrlik davlat siyosatining muhim yoʻnalishi boʻlib qolayotgani,majburiy mehnat taqiqlanishining Konstitutsiyaviy kafolatlari belgilanayotganligi, Konstitutsiyada Oʻzbekiston – suveren, demokratik, huquqiy va ijtimoiy davlat ekani qatʼiy belgilab qoʻyilganligi , Yangi Oʻzbekistonni qurish gʻoyasi atrofida butun jamiyat jipslashgani, Bosh Qomusimiz tom maʼnoda xalq Konstitutsiyasi boʻlayotgani toʻgʻrisida seminar ishtirokchilariga maʼlumot berib oʻtildi.

Joylarda “Konstitutsiya meniki, seniki, bizniki! Konstitutsiya oʻzimizniki” shiori ostidagi targʻibot tadbirlari tashkil etilishi,partiyamiz aʼzolari , faollari ham munosib ishtirok etib, 2023 yil 30 apreldagi umumxalq referendumida faol ishtirok etishi yuzasidan, chora-tadbirlar rejasi tasdiqlandi.

“Adolat” SDP Sirdaryo viloyat Kengashi

Matbuot xizmati.