Yangiariqlik uyushmagan sportsevar yoshlar bellashdi

“Adolat” SDP Xorazm viloyat Kengashi tomonidan yoshlarni qoʻllab-quvvatlash va aholi salomatligini mustahkamlash maqsadida, aholining keng qatlamalarini tibbiy koʻrikdan oʻtkazish bilan bir qatorda jismoniy tarbiya va sportga jalb qilish ishlari ham uyushqoqlik bilan olib borilmoqda. Yangiariq tumanidagi “Chaqir” mahallasidagi uyushmagan yoshar oʻrtasida partiyaning “Salomatlik yoʻlida birlashaylik!” loyihasi doirasida sportning mini-futboll yoʻnalishi boʻyicha sport musobaqasi tashkil etildi.Musobaqaga partiya faollari, deputatlari hamda sportsevar yoshlar ishtirok etishdi.

Tadbirni oʻtkazishdan maqsad — yoshlar orasida sogʻlom turmush tarzini targʻib qilish, uyushmagan yoshlarni sport va boshqa kasb-hunarlarga boʻlgan qiziqishini oshirish orqali jamiyatda oʻz oʻrinlariga ega boʻlishga yordamlashishdan iborat boʻldi.Musobaqa boshlanishidan oldin, partiya faollari tomonidan mamlakatimizda yoshlarga qaratilayotgan eʼtibor va imkoniyatlar hamda ushbu imkoniyatlardan samarali foydalanish hamda sportning inson hayotidagi oʻrni kabi qayd etilgan fikr va mulohazalar yoshlarning diqqat markazidan joy oldi.

Ulugʻbek Quryazov, hakamlar hayʼati raisi:

-Mahallaning uyushmagan yoshlari sportning mini-fudbol yoʻnalishi boʻyicha ikkita “Vatanparvar” va “Doʻstlik” jamoalariga boʻlinib bellashishdi. Bir biridan chaqqon yoshlarni sportdagi qobiliyatlarini koʻrib qoyil qoldik, hatto gʻolib komandani aniqlab olish ham ancha qiyin boʻldi. Adolatli xulosadan soʻng, “Doʻstlik” jamoasi gʻolib deb topildi. Eng muhimi sport tadbiri uyushmagan yoshlarni yanada shijoatga toʻlishi, jamiyatda munosib oʻrin egallashlariga xizmat qildi.

Tadbir soʻngida barcha sportsevar ishtirokchilar partiyaning esdalik sovgʻalariga ega boʻlishdi. Bu kabi sport tadbirlarini davom qildirishga kelishib olindi.

                                                                                                 Zamira Abdullayeva,

                                      “Adolat” SDP Xorazm viloyat Kengashi matbuot kotibi.