Yangihayotliklar Murojaatnoma mazmuni bilan tanishtirildi

“Adolat” SDP Yangihayot tuman Kengashida Oliy Majlis Qonunchilik palatasi deputati yordamchilari A.Rahimov hamda Sh.Shomurodov ishtirokida tadbir oʻtkazildi. “Yangi Choshtepa” mahallasida oʻtkazilgan tadbirda mahalla faollari, xotin-qizlar ishtirok etdi.

Tadbir doirasida Oʻzbekiston Respublikasi Prezidenti Shavkat Mirziyoyevning 2022-yil 20-dekabrdagi Oliy Majlisga va Oʻzbekiston xalqiga Murojaatnomasi mazmun-mohiyati haqida yigʻilganlarga keng va atroflicha tushunchalar berildi.

Xususan, Murojaatnomada keltirilgan ustuvor maqsad xamda vazifalarga batafsil toʻxtaldi. Yangi Oʻzbekiston milliy rivojlanishning yangi davriga qadam qoʻyayotgan, hayotimizning barcha jabhalarida ulkan oʻzgarishlar sodir boʻlayotgan hozirgi sharoitda Prezidentimizning Oliy Majlis va Oʻzbekiston xalqiga yoʻllagan murojaati gʻoyat muhim ahamiyat kasb etgani, uning mazmun mohiyati, eng avvalo, jamiyatda inson qadrini ulugʻlashga qaratilgani eʼtirof qilindi.

Mehriniso YAKUBOVA,

“Adolat” SDP Toshkent shahar kengashi matbuot kotibi