Yangilanayotgan Konstitutsiya – chinakam xalq ovozi

Yangilanayotgan Konstitutsiyamizni chin maʼnoda xalq ovozi, deb aytish mumkin. Chunki uni tayyorlashda jamoatchilikning ishtiroki va takliflariga alohida eʼtibor qaratildi. Kiritilayotgan oʻzgartishlarning aksariyati fuqarolar tomonidan bildirilgan.

30-aprelʼ kuni boʻlib oʻtadigan referendum oldidan joylarda oʻtkazilayotgan tadbirlarda yuqoridagilar eʼtirof etilayotgani bejiz emas. Jalaquduq tumani faollari ishtirokida oʻtkazilgan davra suhbati ham Oʻzbekiston Respublikasining yangi tahrirdagi Konstitutsiyasi loyihasi targʻibotiga bagʻishlandi.

Davra suhbatida Oʻzbekiston Respublikasi Oliy Majlis Senati aʼzolari R.Alimovlar, T.Madumarov, Oliy Majlis Qonunchilik palatasi deputati O.Mamirovalar mavzu yuzasidan yigʻilganlarga tushuncha berdi. Yangi tahrirdagi Konstitutsiya loyihasining muallifi xalqimiz ekanligini taʼkidladilar. Kelgusida xalqimiz va jamiyat hayotida muhim ahamiyat kasb etishligi eʼtirof etildi.

Tadbir qatnashchilari qonun loyihasini qoʻllab-quvvatlab, referendumda faol ishtirok etishlarini bildirdilar.

T.Aliboyeva,
Oliy Majlis Qonunchilik palatasi deputati yordamchisi.