Yangilanayotgan Konstitutsiya tadbirkorlar himoyachisi

Bosh Qonunimizga kiritilayotgan oʻzgartirishlar yurtdoshlarimiz tomonidan qoʻllab-quvvatlanmoqda. Jumladan, ishbilarmonlik muhitini shakllantirish, tadbirkorlik, mulk huquqini himoya qilish boʻyicha belgilangan modda va normalar juda oʻrinli. Respublikamizda tadbirkorlar sinfi kengayib borayotgan bir vaqtda bu ayni muddao.

Aniqroq qilib aytganda, 67- moddada “Davlat qulay investitsiyaviy va ishbilarmonlik muhitini taʼminlaydi” degan jumla bayon etilgan, Shuningdek, “Tadbirkorlar qonunchilikka muvofiq har qanday faoliyatni amalga oshirishga va oʻz faoliyati yoʻnalishlarini mustaqil ravishda tanlashga haqli” deb belgilab qoʻyildi.

Umuman, ushbu hujjatda tadbirkorlarning haq-huquqlari himoyasini taʼminlashga qaratilgan qator normalar oʻrin olganki, ular yurtimiz tadbirkorlari huquqlarining kafolati boʻladi. Endilikda tashabbuskorlar erkin faoliyat yuritishlari mumkin. Chunki Konstitutsiyamiz ularning ishonchli himoyachisidir.

Qosimjon Qayumov,
“Adolat” SDP Andijon viloyat kengashi raisi oʻrinbosari.