Yangilanayotgan Konstitutsiya tibbiyotchilar nigohida

Shu kunlarda Konstitutsiyaviy qonun loyihasining mazmun-mohiyati yaʼni tushuntirish yuzasidan tashviqot tadbirlari tashkil etilyapti.

Xususan, Termiz tuman Kengashi tomonidan tuman tibbiyot birlashmasida tibbiyot xodimlari ishtirokida Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni loyihasi boʻyicha Oʻzbekiston Respublikasi referendumini oʻtkazish haqida”gi qarori yuzasidan targʻibot-tashviqot tadbiri oʻtkazildi. Tadbirda partiya Termiz tuman Kengashi xodimlari, deputatlar, BPT faollari hamda tibbiyot birlashmasi xodimlari ishtirok etishdi.

Tadbirda soʻzga chiqqanlar Yangilanayotgan Konstitutsiyada inson erki, qadr-qimmati asos qilib olinganligiga urgʻu berib oʻtdilar .

Jumladan, aholi kafolatlangan bepul tibbiy xizmatlardan foydalanishi ham loyihaga kiritilgan. Umuman, loyihada aholi salomatligini asrash bilan bogʻliq normalar 4 barobar koʻpaytirilmoqda. Bu aholi sogʻligʻini ishonchli muhofaza etish hamda onalar va bolalar oʻlimi, yuqumli kasalliklar tahdidini bartaraf etishda juda muhim ahamiyatga egadir.

Soʻzga chiqqanlar tibbiyot sohasida amalga oshirilayotgan ijobiy oʻzgarishlarni birma- bir sanab oʻtarkan, amalga oshirilayotgan barcha islohotlar inson qadri uchun ekanligini alohida taʼkidladi.

Shuhrat Xaitov, Xalq deputatlari Termiz tuman Kengashi deputati:

-Yangilanayotgan Konstitutsiyada aholi kafolatlangan bepul tibbiy xizmatlardan foydalanishi loyihaga kiritilgan. Umuman, hujjatda salomatlikni asrash bilan bogʻliq normalar 4 barobar koʻpaytirilmoqda. Bu aholi sogʻligʻini ishonchli muhofaza etish hamda onalar va bolalar oʻlimi, yuqumli kasalliklar tahdidini bartaraf etishda juda muhim ahamiyatga egadir.

Shuningdek, yangilanayotgan Konstitutsiyada davlatning oʻqituvchilar shaʼni va qadr-qimmatini himoya qilish, ularning ijtimoiy va moddiy farovonligi, kasbiy jihatdan oʻsishi toʻgʻrisida gʻamxoʻrlik qilish majburiyati kuchaytirilmoqda. Jumladan, hujjatning 52-moddasida quyidagi norma mustahkamlanyapti: “Oʻzbekiston Respublikasida oʻqituvchining mehnati jamiyat va davlatni rivojlantirish, sogʻlom, barkamol avlodni shakllantirish hamda tarbiyalash, xalqning maʼnaviy va madaniy salohiyatini saqlash hamda boyitishning asosi sifatida eʼtirof etiladi. Davlat oʻqituvchilarning shaʼni va qadr-qimmatini himoya qilish, ularning ijtimoiy va moddiy farovonligi, kasbiy jihatdan oʻsishi toʻgʻrisida gʻamxoʻrlik qiladi”.

Tadbirda soha egalari Bosh qomusimizga kiritilayotgan bunday meʼyorlardan minnatdor ekanliklarini bildirib, boʻlajak referendumda faol ishtirok etishlarini bildirdilar.

Zikrillo Bakijonov,

Xalq deputatlari Termiz tuman Kengashi deputati