Yangilanayotgan Konstitutsiya – xalqimiz tanlovi

Oʻzbekiston “Adolat” SDP Qoraqalpogʻiston Respublikasi Kengashi tomonidan Nukus shahridagi “Mega Nukus” savdo markazi oldida “Adolatli jamiyat uchun ovoz beramiz!” shiori ostida targʻibot tadbiri oʻtkazildi.

Tadbir davomida partiya faollari tomonidan fuqarolarga yangilanayotgan Konstitutsiyaning va bugungi islohotlarning mazmun-mohiyatini tushuntirilib, aholi tomonidan bildirilgan savollarga javoblar berildi.

Endilikda, yangi Konstitutsiyamiz barcha yurtdoshlarimizning huquq va erkinliklarini oʻzida mujassam etgan holda, yanada takomillashib xalqimizni xohish istaklarini, orzu-umidlarini roʻyobga chiqishiga xizmat qiluvchi mukammal hujjatga aylandi.

Partiyamiz faollari aholi bilan muloqotlar chogʻida fuqarolar tomonidan bildirilgan turli sohalardagi oʻzgarishlarga oid ijobiy munosabatlarni tinglab, 30-aprel kuni oʻtkaziladigan umumxalq referendumiga xalqimiz aslo befarq yemasligini angladi.

Bugungi oʻtkazilgan tadbir davomida barcha vatandoshlarimiz birdek manfaatdor boʻlgan holda, oʻz taqdiriga va kelajagiga befarq emasligini koʻrsatishdi.

Oʻzbekiston “Adolat” SDP
Qoraqalpogʻiston Respublikasi
Kengashi matbuot xizmati