“Yashil makon”ga start berildi

Oʻlkamizga bahor fasli kirib kelishi bilan atrofda tabiat jonlana boshlaydi. Bu jihat ayniqsa, insonlar faoliyatida yaqqol gavdalanadi. Bejiz bahor faslini uygʻonish fasli deyishmaganini shundan ham anglash mumkin. Kishilar atrof-muhitni obodonlashtirish ishlariga kirishib ketishadi. Natijada manzillar obod, goʻshalar chiroyli manzilga aylanadi.

Misol tariqasida yaqin kunlardan Toshkent shahrida “Yashil makon” umummilliy loyihasiga start berildi. Shu munosabat bilan Alisher Navoiy nomidagi kino saroyining orqa tomonidagi maydonda tadbir tashkil etildi.

Tadbirda Toshkent shahar hokimi Baxtiyor Rahmonov, Tabiat resurslari vaziri Aziz Abduhakimov, xalq deputatlari Toshkent shahar Kengashi deputatlari, jumladan, T.Matibayev hamda boshqa davlat va jamoat arboblari ishtirok etishdi.

Tadbir doirasida daraxt, buta, gul koʻchatlari hamda oʻsimliklar parvarishi uchun muhim boʻlgan ozuqaviy moddalar koʻrgazmasi tashkil etildi.

Unda 50 turdan ortiq 20 mingdan ziyod koʻchatlar namoyish etildi.

Mehriniso Yakubova,

“Аdolat” SDP Toshkent shahar Kengashi matbuot kotibi.