“Yashil makon” umummilliy loyihasi doirasidagi tadbirlarda deputatlar faol ishtirok etishyapti

Oʻzbekiston Respublikasi Prezidenti Shavkat Mirziyoyev tomonidan eʼlon qilingan “Yashil makon” umummilliy loyihasi doirasida yurtimizda yiliga 200 million tup daraxt va buta koʻchatlarini ekish va bu orqali respublikamizda yashil maydonlarni koʻpaytirish borasida keng koʻlamli ishlar amalga oshirilmoqda.

Oʻzbekiston “Adolat” SDP Surxondaryo viloyat Kengashi deputatlari ham mazkur loyiha doirasidagi xayrli tadbirlarda faol ishtirok etmoqda. Xususan, Xalq deputatlari Termiz tuman Kengashi deputatlari tashabbusi bilan tuman hududidan oʻtuvchi M39 xalqaro avtomagistral yoʻliga tutash hududlar boʻylab koʻchat ekish aksiyasi oʻtkazildi. Aksiyada partiyaning masʼul xodimlari, faollari, BPTlar aʼzolari qatnashishdi.

 Boʻri Xonov, Xalq deputatlari Termiz tuman Kengashi deputati:

-Chora-tadbirlar rejasiga muvofiq, partiyaning faollari 400 tupdan ortiq koʻchat oʻtqazish ishlarida faollik koʻrsatishmoqda. Ijtimoiy soha obyektlari, ijtimoiy muhofazaga muhtoj oilalar istiqomat qiladigan hovli-joylar, mahalliy hokimliklar va mutasaddi tashkilotlar tomonidan ajratilgan maxsus maydonlarga manzarali, iqlim sharoitiga tez moslashadigan daraxt va buta koʻchatlari ekilmoqda. Loyiha doirasida tuman mahallalari hududlariga ham manzarali va mevali daraxt koʻchatlarini ekish rejalashtirilgan.Shuningdek, boshlangʻich partiya tashkilotlari aʼzolari ishtirokida tumanning mahallalari hududlarida obodonlashtirish va koʻkalamzorlashtirish ishlariga jalb qilish, istirohat bogʻlari, xiyobonlar, sayilgohlar, yashil maydonlar va xiyobonlarning namunali saqlanishini taʼminlash, hududlarda yangi jamoat istirohat bogʻi va kichik yashil istirohat bogʻlarni tashkil qilish boʻyicha takliflar tayyorlash borasida ham targʻibot ishlari olib borilmoqda.

Bu borada joylarda ijtimoiy hamkor tashkilotlar bilan birga rang-barang aksiyalar oʻtkazilib, keng jamoatchilik, elektorat vakillari oʻrtasida targʻibot-tushuntirish ishlari ham faol olib borilmoqda.Maqsad tabiatda yashillikni koʻpaytirish, ob-havoning tozaligi, iqlim moʻtadilligini saqlash, bogʻdorchilik mahsulotlarining moʻlligini taʼminlashga hissa qoʻshishdir.

Shuxrat Xaitov,

Oʻzbekiston “Adolat SDP Termiz tuman Kengashi raisi.