Yashil makon umummilliy loyihasida partiyamiz deputatlari xam faol ishtirok etishmoqda

Bugungi kunda dunyo ahlini tashvishga solayotgan global muammolardan biri ekologiyaning buzilishidir. Shu boisdan Oʻzbekiston Respublikasida ham ekologik vaziyatni yaxshilash, bu orqali iflos gaz va havolarni tozalash, aholining salomatligini yaxshilash maqsadida, Prezidentimiz tashabbusi bilan “Yashil makon” umummilliy loyihasi doirasida mamlakatimiz boʻylab qator, chora-tadbirlar amalga oshirilmoqda.

Davlat rahbarining tashabbusi bilan “Yashil makon” umummilliy loyihasini amalga oshirish, mazkur loyiha doirasida yiliga 200 million tup daraxt va buta koʻchatlarini ekish belgilab berilgan. Bu keng koʻlamli tashabbusning amalga oshirilishi natijasida hozirgi maydonlar hududi 8 foizdan 30 foizga oshiriladi. Xabaringiz bor joriy yil 14-oktyabr kuni Davlatimiz rahbari “Yashil makon” loyihasi doirasida kuzgi daraxt ekish mavsumini boshlab berdi.

Maʼlumot uchun, joriy yil 11-oktyabr kuni Prezident Shavkat Mirziyoyev raisligida turizm va madaniyat maskanlari imkoniyatini toʻliq ishga solish va “Yashil makon” loyihasining kuzgi mavsumini tashil etish boʻyicha yigʻilish boʻlib oʻtgan edi. Kuzgi daraxt ekish mavsumida jami 85 mln tup koʻchat ekish rejalashtirilgan.

“Yashil makon” loyihasi boʻyicha Sirdaryo viloyatida xam “kuzgi koʻchat ekish mavsumi”ga start berildi.

Bugun Guliston shahar “Sayqal” MFY,Doʻstlik kanali boʻyida “Yashil makon” loyihasi doirasida Guliston shahar hududidagi mavjud korxona va tashkilotlar ishtirokida koʻchat ekish boshlandi.Mazkur tadbirda “Adolat”SDP Guliston shahar Kengashi raisi Sh.Umurzoqova,shahar Kengashi deputatlari N.Maxmudov, M.Mustafoev,E.Abduraxmanov,D.Tojiboevlar xam faol ishtirok etib loyiha doirasida qayragʻoch, yasen, katalpa, terak kabi manzarali daraxtlar ekildi.

Daraxtlar hududning iqlim sharoitidan kelib chiqib, bogʻlar hosil qilish va koʻkalamzorlashtirishni nazarda tutgan holda tanlab olindi. Endi ular agrotexnik talablar asosida parvarish qilinadi, mineral va organik oʻgʻitlar bilan oziqlantirilib, zararkunandalardan himoya qilib boriladi.

 “Adolat” SDP  Sirdaryo viloyat Kengashi Matbuot xizmati.