Yorqin kelajak uchun ovoz beramiz!

Yangilanayotgan Konstitutsiyada taʼlimni, ilm-fanni, millatni, ayniqsa yoshlarni maʼnaviy jihatdan qoʻllab quvvatlashning aniq norma va kafolatlari belgilanishi Oʻzbekistonda sifatli taʼlimga erishishning muhim huquqiy omili boʻladi deb hisoblayman.

Xususan, davlat maktabgacha taʼlim va tarbiyani rivojlantirishga koʻmaklashish, har bir bolaning umumiy oʻrta taʼlimga doir yillik tayyorgarlikdan oʻtishiga boʻlgan huquqi kafolatlanmoqda.

Bundan tashqari, alohida ehtiyojlarga va individual imkoniyatlarga ega boʻlgan bolalar uchun inklyuziv taʼlim va tarbiyani tashkil etish kabi normalar belgilanib, davlat tomonidan iqtidorli yoshlarning moddiy ahvolidan qatʼiy nazar, taʼlim olishlari davom ettirilishi huquqiy jihatdan kafolatlanmoqda.

Men bu islohotlarga befarq emasman! Barcha xotin-qizlarni ham oʻzlarining yorqin kelajaklari uchun Referendumga faol ishtirok etishga chorlab qolaman.

Nodira Nomozova,

“Аdolat” SDP Narpay tuman Kengashi Аyollar qanoti raisi.