Yoshlar o’z kelajaklariga befarq emas

O‘zbekiston “Adolat” sotsial demokratik partiyasi yangilanayotgan Konstitutsiyaviy qonun loyihasining mazmun-mohiyatini keng tushuntirish va aholini referendumda faol ishtirok etishga undaydigan siyosiy ma’rifat tadbirlarini davom ettirmoqda. Ana shunday targ’ibotlarning navbatdagisi Samarqand shahri bo’ylab ham bo‘lib o‘tayapti. Targ’ibotni O’zbekiston Oliy Majlis Qonunchilik Palatasi huzuridagi Yoshlar Parlamenti Samarqand Viloyat a’zolari hamda “Adolat” yoshlar qanoti Samarqand shahar raisi hamda faol a’zolari ishtirokida olib borilmoqda. Konstitutsiyaviy qonun loyihasining muqaddimasida O‘zbekistonning jahon hamjamiyati, eng avvalo, qo‘shni davlatlar bilan do‘stona munosabatlarini hamkorlik, o‘zaro qo‘llab-quvvatlash, tinchlik va totuvlik asosida mustahkamlash hamda rivojlantirish, fuqarolarning munosib hayot kechirishini, millatlararo va konfessiyalararo totuvlikni, ko‘p millatli jonajon O‘zbekistonimizning farovonligini va gullab-yashnashini ta’minlash maqsad qilingani e’tirof etilgan.

Ana shu va asosan yoshlarga oid qonun va ularning normalari haqida yoshlarga keng targ’ib etayotgan yoshlarimiz, bugun o’z kelajagi va o’larining yuksak taraqqiyoti uchun harakat qilishmoqda.

Har bir targ’ibot yoshlar o’rtasida ko’tarinki ruhda va bayramona muhitda o‘tayotganini ularning yuzlaridan, ko’zlaridan ham bilish mumkin. Ochiq osmon ostida tashkillashtirilayotgan bunday targ’ibotlar  mamlakatimizning barcha hududlarida davom etmoqda.

Muhiba Bababekova,

“Adolat”SDP Samarqand viloyat Kengashi raisi.