“Yoshlar parlamenti” ga iqtidorli yoshlar saralanib olindi

“Adolat” SDP Sirdaryo viloyat Kengashida Oliy Majlis Qonunchilik palatasi huzuridagi Yoshlar parlamentiga saylovning 2-bosqichi, Respublika bosqichiga saralab olish jarayonlari boʻlib oʻtdi.

“Adolat” SDP Sirdaryo viloyat Kengashiga viloyatdagi 11 ta tuman va shaharlardan jami 30 dan ortiq nomzodlar hujjat topshirishdi. Ular orasidan eng iqtidorli, oʻzini jamiyatda koʻrsata bilgan, dolzarb mavzudagi oʻz saylov dasturiga ega boʻlgan yoshlar saralandi.

Viloyat Kengashida Zoom shaklida onlayn tarzda bolib otgan taqdimotda yoshlar parlamentiga tavsiya qilingan nomzodlar oʻz saylov dasturi va loyihalarini prezentatsiya shaklida taqdimot qilishdi. Ishtirokchilar prezentatsiyalari tashkiliy qoʻmita va hayʼat aʼzolari ishtirokida koʻrilib, ularga kerakli maslahatlar berildi.

Xususan, tashkiliy qoʻmita va hayʼat aʼzolari tomonidan Yoshlar parlamentining maqsadi yoshlarning qonuniy huquq va manfaatlarini qoʻllab-quvvatlash, ularning huquqiy ongi va savodxonligini oshirish, qonunchilik va qonun ijodkorligi jarayoniga yoshlarni jalb qilish va qabul qilinayotgan qonunlarni yoshlar orasida keng targʻib qilish orqali ularning parlament hayotiga daxldorligini oshirishda ishtirok etishdan iboratligi taʼkidlandi.

“Adolat” SDP Sirdaryo viloyat Kengashi 

Мatbuot xizmati .