Yunusobod tumani yoshlari oʻrtasida “Zakovat” intellektual oʻyini boʻlib oʻtdi

Oʻzbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida”gi qarori ijrosini taʼminlash hamda yoshlarning boʻsh vaqtini mazmunli oʻtkazish maqsadida poytaxtimiz Yunusobod tumanidagi mahallalar yoshlari oʻrtasida “Zakovat” intellektual oʻyini tashkil etildi.

Tadbirda Toshkent pediatriya tibbiyot instituti va Xalqabogʻ, Oʻzbekiston Mustaqilligi, Bobodehqon, Sevinch mahallalarining bilimdon yoshlari faol ishtirok etdilar.

Oʻyin natijalariga koʻra Toshkent pediatriya tibbiyot institutining talabalari gʻolib boʻldi.

Tadbir yakunida oʻtkazilgan “Zakovat” intelektual oʻyini ishtirokchilari va gʻoliblariga “Adolat” sotsial-demokratik partiyasi va Xalq deputatlari Toshkent shahar Kengashi deputati Daminov B.T. tomonidan esdalik sovgʻalari topshirildi.

Abdulaziz NOSIROV,

“Аdolat” SDP Yunusobod tuman Kengashi raisi,

Xalq deputatlari Yunusobod tuman Kengashi deputati.