Yurtimiz boʻylab madaniy-maʼrifiy tadbirlar oʻtkazilmoqda

Xabaringiz bor bu yil fevral oyida Alisher Navoiy tavalludining 582-yilligi hamda Zahiriddin Muhammad Bobur tavalludining 540-yilligi anʼanaga koʻra yurtimizning barcha goʻshalarida keng nishonlanmoqda.

Ana shunday maʼnaviy-maʼrifiy tadbirlardan biri “Adolat” SDP Beruniy tuman Kengashi tomonidan tumandagi 49-sonli umumtaʼlim maktabida tashkil etildi.

Tadbirda partiyamizning Beruniy tumani Kengashi raisi I.Kutimov, boshlangʻich partiya aʼzolari, maktab xodimlari va oʻquvchilari ishtirok etishdi.

Ushbu tadbir doirasida Alisher Navoiy va Zahiriddin Muhammad Boburning ibratli hayot yoʻllari hamda ijodi haqida ishtirokchilarga batafsil tushunchalar berilib, oʻquvchilar tomonidan sheʼr va gʻazallar oʻqildi.

Tadbir yakunida soʻzga chiqqan ustoz va murabbiylar ushbu ikki buyuk siymolar ijodidan bahramand boʻlib, madaniy-maʼrifiy zavq olganliklarini taʼkidlab, yosh ijodkorlarga alohida minnatdorchilik bildirishdi.

Inomjon Kutimov,
 “Adolat” SDP Beruniy tumani Kengashi raisi