Zamonamiz qahramonlari -shifokorlar!

Shifokorlik kasbi – eng mashaqqatli va shu bilan birga sharafli kasblardan biri hisoblanadi. Har yili oktyabr oyining birinchi dushanbasida butun dunyo Xalqaro shifokorlar kuni nishonlanadi. Shifokorlik eng qadimiy kasb, bu barchamiz kasal boʻlganimizda kerak boʻladigan inson, bu dunyodagi eng insonparvar kasb degan yuksak unvonga egadir va kasblar ichida eng qiyin kasbdir. Chunki shifokor inson salomatligi uchun masʼuldir.

Shu kun munosabati bilan “Adolat” SDP Buxoro viloyat Kengashi raisi Maqsud Amonov tomonidan partiyaning faol shifokorlari Buxoro davlat Tibbiyot institutining anestizologiya va reanimatsiya kafedrasi mudiri, tibbiyot fanlari doktori, “Adolat” SDP Buxoro viloyat Kengashining “Ayollar qanoti” raisi Poʻlatova Shaxnoza Haydarovna, Buxoro shahar Tibbiyot boshqarmasi boshligʻi Norov Faxriddin Temirovich hamda Buxoro shahar Tibbiyot birlashmasi Diagnostika markazining bosh vrachi Karimov Dilshod Nabijonvich faxriy yorliq va esdalik sovgʻalari bilan taqdirlandilar.

Yurtimizda faoliyat olib borayotgan salomatlik posbonlarini partiyamiz nomidan mashaqqatli va sharafli kasb egalarini xalq salomatligini saqlash hamda sogʻligʻini mustahkamlash yoʻlidagi ishlarida muvaffaqiyatlar tilab, bayram bilan tabriklaymiz.

Bayramingiz muborak aziz SHIFOKORLAR!

Mohigul Rahimqulova,

“Adolat” SDP Buxoro viloyat Kengashi matbuot kotibi.