21 OKTABR — O'ZBEK TILIGA DAVLAT TILI MAQOMI BERILGAN KUN:   YUKSAK MINBARLARDA JARANGLAR TILIM!

 Mamlakatimiz Prezidentining BMT Bosh Assambleyasi 78-sessiyasidagi nutqi nafaqat xalqimiz, balki jahon hamjamiyati tomonidan ham iliq kutib olindi.

Zero, bu nutqda aytilgan fikrlar, ilgari surilgan ezgu tashabbuslar mamlakatlar o'rtasidagi yaqin hamkorlik, tinchlik va farovonlik g'oyalarini amalga oshirishga xizmat qiladi.

Davlatimiz rahbari o'z nutqida keyingi yillarda O'zbekistonda amalga oshirilayotgan xalqchil islohotlar xususida to'xtalar ekan, kun tartibidagi global va mintaqaviy dolzarb masalalar echimi borasidagi fikrlarini bayon etdi. Jumladan, mamlakatimizda “Inson qadri va manfaatlari uchun” degan ezgu g'oya asosidagi tub islohotlar demokratiya va adolat tamoyillarini mustahkamlashga qaratilgani, global tahdidlarga qaramasdan, yurtimiz iqtisodiyotida barqaror o'sish surъatlari namoyon bo'layotgani, aholi turmush darajasi ortib, kambag'allik ko'rsatkichi pastlab borayotgani, yangi va barqaror ish o'rinlari yaratilayotgani e’tirof etildi.

    Shuningdek, inson huquqlarini himoya qilish, majburiy va bolalar mehnatiga to'liq barham berilgani,yosh avlod ta’lim-tarbiyasi, ularning etuk kadrlar bo'lib etishishi yo'lida izchil sa’y-harakatlar olib borilayotgani, Markaziy Osiyoda yaqin qo'shnichilik, barqarorlik,o'zaro hamkorlik va rivojlanish muhiti yaratilganiga urg'u berildi. Prezidentimizning mintaqada kamol topayotgan yoshlarni birlash- tirishga, ularning iqtidor va intellektual salohiyatini rivojlantirishga qaratilgan “Markaziy Osiyo yoshlarining kun tartibi – 2030”dasturini ishlab chiqish taklifi,ayniqsa, ahamiyatlidir.  Shu bilan birga, sayyoramizda iqlim o'zgarishi, bioxilmaxillik yo'qolishi va atrof-muhit ifloslanishi, suv resurslari bo'yicha BMT Bosh Assambleyasining rezolyutsiyasini qabul qilish taklifi bildirildi va kelasi yil Samarqandda bo'lib o'tadigan Xalqaro iqlim forumida bu boradagi masalalar muhokama qilinishi ma’lum qilindi.

O'zbekiston iqtisodiyotining asosiy tarmoqlarida “yashil” energetika ulushini keskin oshirish strategik vazifa bo'lib qolishi ta’kidlandi. O'zbekiston Prezidentining bugun dunyo xalqlarini tashvishga solayotgan ekstremizm, terrorizm, diniy mutaassiblik, islomofobiya kabi buzg'unchi harakatlarga qarshi kurashish va ularning oldini olishga qaratilgan takliflari, qo'shni Afg'onistondagi ijtimoiy-siyosiy vaziyatni o'nglash bo'yicha tashabbuslari ham eъtiborga molik jihatlar qatoridan o'rin oldi.

Shuni ham ta’kidlash kerakki, Prezidentimizning bu nutqi to'liq o'zbek tilida jarangladi. Zero, ayni paytda dunyo bo'yicha 50 milliondan ortiq aholi so'zlashadigan tilimiz sofligini saqlab qolish, boyitishva boshqalarga tanitish, shuning barobarida uni rivojlantirish,millatimiz g'ururi sanalgan ona tiliga hurmat va e’tibor ko'rsatish bugun har qachongidan dolzarb masalaga aylanib ulgurgan. Shu ma’noda, mazkur tarixiy nutq mamlakatimiz taraqqiyoti, xalqimiz farovonligi, jahon miqyosida tutgan o'rni va salohiyatini namoyish qilib berdi, desak, mubolag'a bo'lmaydi.

Ehtiyotxon IBRAGIMOVA,

Farg'ona davlat universitetining filologiya fakul`teti dekani,

filologiya fanlari nomzodi, dotsent, partiya faoli