"Men qondagi qand miqdorini tekshirdim. Siz-chi?”

Har yili dunyoda 14 noyabr — Xalqaro diabetga qarshi kurash kuni sifatida keng nishonlanib keladi. Qandli diabet yurtimiz aholisi orasida ham tez-tez uchrab turadigan kasalliklardan biri. Xastalikning turlaridan qatʼiy nazar belgilari bir xil boʻladi. Uning asosiy kelib chiqish sababi sogʻlom turmush tarziga rioya qilmaslik, to'g'ri ovqatlanmaslik va boshqalar.

Joriy yilning 15-noyabr kuni “Adolat” SDP Sirdaryo viloyat Kengashi tomonidan “Qandli diabetga qarshi kurashish haftaligi” doirasida Xovos tumani 34-oilaviy poliklinikasida "Men qondagi qand miqdorini tekshirdim. Siz-chi?” shiori ostida tibbiy profilaktik, tadbir tashkil etildi.

Tadbirdan asosiy maqsad: mamlakatimizda qandli diabet kasalligi bilan kasallangan bemorlarga amaliy yordam berish, aholiga kasallik kelib chiqishi sabablari va omillari haqida maʼlumotlarni yetkazish, kasallikni oldini olishga qaratilgan chora-tadbirlarni tashkil etish va aholining turmush hamda ovqatlanish ratsionini oʻzgartirish orqali bemorlar sonini qisqartirish choralarini koʻrishga qaratilgan.

Tadbirda shifokorlar tomonidan aholiga kasallik kelib chiqishi sabablari va omillari haqida maʼlumotlar yetkazildi va tadbir so'ngida aholining o'z  ixtiyori bilan  ko'rikka jalb qilindi. 

“Adolat” SDP
Sirdaryo viloyat Kengashi matbuot xizmati.