Qandli diabetni sogʻlom turmush tarzi bilan yengamiz

     Oʻzbekiston “Adolat” sotsial-demokratik partiyasining saylovoldi dasturida “Kuchli ijtimoiy siyosat – xalq farovonligining kafolati” bandi ijrosini taʼminlash maqsadida mamlakatimizda qandli diabet kasalligi bilan kasallangan bemorlarimiz uchun amaliy yordam berish, kasallikning oldini olishga qaratilgan tadbirlar tashkil etish va aholining turmush hamda ovqatlanish tarzini oʻzgartirish orqali kasallikdan saqlashga qaratilgan “Qandli diabetga qarshi kurashish haftaligi” loyihasini samarali amalga oshirish boʻyicha 14 noyabr kuni Respublika ixtisoslashtirilgan endokrinologiya ilmiy-amaliy tibbiyot markazi Qashqadaryo filiali bilan hamkorlikda viloyat sogʻliqni saqlash boshqarmasi, viloyat “Dori-darmon” AJ va hamkor tashkilotlar “Qandli diabetni sogʻlom turmush tarzi bilan yengamiz” mavzusida tadbir tashkil etildi.

     Tadbirda Respublika ixtisoslashtirilgan endokrinologiya ilmiy-amaliy tibbiyot markazi Qashqadaryo filiali bosh shifokori — Baxtiroʻz Mixliyev, bosh shifokor oʻrinbosari — Sherzod Shodmonov, Xalq deputatlari viloyat Kengashi deputati — R. Raupov va boshqalar bemor bolajonlar bilan sogʻlom turmush tarziga rioya qilish, sogʻlom ovqatlanishni toʻgʻri yoʻlga qoʻyish — diabetga qarshi kurashishning eng samarali yoʻli ekanligi haqida oʻz fikrlarini bildirishdi. Shu munosabat bilan viloyat sogʻliqni saqlash boshqarmasiga qarashli barcha tuman va shahar tibbiyot birlashmalarida va Respublika endokrinologiya markazi Qashqadaryo filialida tadbirlarni yuqori saviyada tashkil etish maqsadida aholi uchun bepul tibbiy koʻriklar tashkil etildi. Fuqarolar organizmidagi qand miqdorini aniqlash uchun koʻrikdan oʻtishdi.

     Shifokorlar tomonidan kerakli maslahat va tavsiyalarni olishdi. Loyiha tadbirini amalga oshirish munosabati bilan bemor bolajonlarga oz boʻlsa-da mehr ulashish maqsadida “Adolat” SDP viloyat Kengashi hamda hamkor tashkilotlar tomonidan sovgʻalar ulashildi.

Baxtiroʻz Mixliyev,
Respublika endokrinologiya markazi Qashqadaryo filiali bosh shifokori.