Tuproqqalʼalik fuqarolarning huquqiy bilimlari oshirildi

“Adolat” SDP Tuproqqalʼa tuman Kengashi tomonidan tumandagi 6-sonli umum oʻrta taʼlim maktabida “Jamiyatda yuksak huquqiy madaniyatni shakllantirishda siyosiy partiyalarning oʻrni” mavzusida maʼnaviy-maʼrifiy va siyosiy tadbir tashkil etildi. Tadbirga partiya faollari, deputatlari hamda “Obod” mahalla faollari,   nuroniylari , xotin-qizlar ishtirok etishdi.

Tadbirda soʻzga chiqqanlar partiya faollari tomonidan “Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida”gi Oʻzbekiston Prezidenti Farmonining mazmun va mohiyati, unda ilgari surilgan ustuvor va xalqchil gʻoyalar hamda mazkur masala “Adolat SDPning saylovoldi dasturidan asosiy masala sifatida oʻrin olib hayotga taqdim etilayotgani hamda mavzu yuzasidan   olib borilayotgan ishlar yuzasidan tushunchalar berildi.

Shuningdek, tadbir davomida hamkor vakillar hamda ishtirokchi nuroniylar tomonidan yosh avlod ongida huquq va burch, halollik va poklik tushunchalarini hamda odob-axloq normalarini chuqur singdirib borish, Konstitutsiyaning muhim jihatlarini ularga bolalikdan boshlab oʻrgatish, har bir oila aʼzosining vazifasi ekani bir qator asosli misollar bilan aytib oʻtildi.

Ishtirokchilar qiziqqan savollariga mutaxassislar tomonidan atroflicha javoblar olishdi.

                                                                                                   Otaxon Abdullaev,

                       “Adolat” SDP Tuproqqalʼa tuman Kengashi raisi.