“Yashil makon” loyihasi Bogʻotda

Maʼlumki, mamlakatimiz boʻylab “Yashil makon” loyihasining izchillik bilan olib borilayotgani natijasida, barcha joylardagi kabi Xorazm vohamizning barcha goʻshalari gullarga burkanib, mevali va manzarali daraxtlarning koʻkalamzorga aylanib borayotganidan diling zavqqa toʻladi, yashash va ishlash ishtiyoqing yanada goʻzallashadi.

“Adolat”SDP Bogʻot tuman Kengashi deputati Maysara Xudoyberganova tumanimizning “Abu Rayhon Beruniy” mahallasida joylashgan 36-maktab ustozlari bilan maktab bogʻiga manzarali va mevali hamda gul koʻchatlarini   ekib koʻkalamzor maydonga aylantirayotgani nafaqat maktab oʻqituvchi va oʻquvchilarining balki, ota-onalar, yoʻlovchilarning kayfiyatini oshirishga xizmat qilmoqda.

Maysara Xudoyberganova, 36-son maktab direktori, tuman Kengashi deputati:

-“Yashil makon” umummilliy loyihasi doirasida bogʻotlik ustozlar va ishchi-xizmatchilar birlashib oʻzlari mehnat qilayotgan maktablar, maktabgacha taʼlim tashkilotlari bogʻiga mevali va manzarali daraxt koʻchatlarini ekish jarayonlarida “Bu mening niholim, uning unib-oʻsishiga men masʼulman!” shiori ostida namuna koʻrsatib loyihada faol qatnashmoqdamiz. “Yashil makon” loyihasi oʻz navbatida oʻqituvchilik faoliyatimiz unumdorligiga ham samarali taʼsir qilmoqda.

Bir soʻz bilan aytganda, loyiha hamyurtlarimizning ona tabiat sofligiga hissa qoʻshishi bilan bir qatorda, unib — oʻsib kelayotgan yosh avlodga yashil makonni meros qoldirish va ularni vatanparvarlik tuygʻularini oshirish, ona zaminimiz tabiatini koʻz qorachigʻiday asrashga xizmat qilishi bilan ahamiyatlidir.

Saodat Masharipova,

“Adolat” SDP Bogʻot tuman Kengashi “Ayollar qanoti”raisi.