Andijonlik yoshlar siyosiy jarayonda faol qatnashishga qaror qildilar

“Adolat” SDP Andijon viloyat kengashi tomonidan joriy yilning 30-aprel kuni respublikamizda boʻlib oʻtadigan referendumda yoshlarning ishtirokini taʼminlashga alohida eʼtibor qaratilmoqda. Ayni shu maqsadda “Referendum va yoshlar” loyihasi doirasida oʻtkazilayotgan targʻibot tadbirlari “Yosh adolatchilar”ning huquqiy va siyosiy bilimlarini oshirmoqda.

Kun mavzusida Andijon davlat tibbiyot institutida oʻtkazilgan davra suhbati qizgʻin kechgani bejiz emas. Tadbirda yangi tahrirdagi Konstitutsiyamizning mazmun-mohiyati haqida keng tushuncha berildi. Yoshlar bilan bogʻliq moddalar, fuqarolarning taʼlim olishi va tibbiyot sohasiga doir oʻzgartirishlar ishtirokchilar tomonidan qoʻllab-quvvatlandi. Oʻz oʻrnida talaba-yoshlar “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni loyihasiga oid mulohazalarini bildirdilar.

Tadbir yakunida umumiy bir xulosaga kelindi: andijonlik yigit-qizlar referendumda faol ishtirok etadilar.

“Adolat” SDP Andijon viloyat kengashi
Matbuot xizmati.