Referendumga faol ishtirok etishga chaqirilmoqda

Konstitutsiyaviy Qonun loyihasi Samarqand viloyatining qator hududlari, jamoat birlashmalari, tashkilot va mahallalarida keng muhokama qilinmoqda. Samarqand tuman 10-son ixtisoslashtirilgan Davlat umumtaʼlim maktabi hovlisida ham shunday targʻibot tadbiri tashkil etildi.

Tadbirda, Xoʻja Axrori Vali 1, 2, 3, Gulbogʻ, Koʻsaho, Safedi, Sulfakabutak va Garmako mahalla fuqarolar yigʻinidan mahalla raislari, hokim yordamchilari hamda maktab oʻqituvchilari ishtirok etishdi. Tadbir davomida maʼruzachilarning Yangilanayotgan Konstitutsiyamizda keltirilgan qarorlar toʻgʻrisida aholiga batafsil maʼlumotlar berishdi.

Yigʻilishda maʼruza qilgan “Adolat”SDP Samarqand tuman raisi Zuhra Quddusova oʻz soʻzida yangi Konstitutsiyaning mamlakatimiz hayotida tutgan oʻrni, unga kiritilayotgan yangi qoʻshimchalar va oʻzgarishlar xalqimizning turmush tarzini yanada farovonlashishiga, inson qadrini yanada yuksalishiga xizmat qilishini taʼkidlab, boʻlib oʻtadigan referendumda faol ishtirok yetishga chaqirdi.

Targʻibot dasturi soʻngida, iqtidorli hamda isteʼdodli maktab oʻquvchilarining Vatanparvarlik ruhida tayyorlangan sahna va raqs chiqishlari namoyishi tadbirga oʻzgacha ruh bagʻishladi.

Sanobar Mirsaidova,

Xalq deputatlari Samarqand viloyat Kengashi deputati.