Биз артистларга ўралашиб қолган жамиятмиз...

14.05.2020 10:05:06

Ҳиссиёт билан гапирган артистдан бирон киши зарар кўрмади, лекин уни жазолашни талаб қилишяпти. Сув омбори қулашидан эса минглаб одам бошпанасиз қолди, лекин айбдорларни жазолашни талаб этаётганлар эса бармоқ билан санарли.

Парадокс. Сиз нимани буюртма қилсангиз шуни элтиб беришади. Бир артист ҳиссиёт билан оғзига келганини гапирди. Унинг гапларидан бирон киши на моддий на жисмоний зарар кўрмади. Лекин минглаб инсонлар унинг жазоланишини талаб қилишяпти. Сув омбори қулашидан эса ўн минглаб одам бошпанасиз қолди, инсонлар ҳаёти ҳавф остида, ҳатто вафот этганлар бор. Лекин, айбдорларни жазолашни талаб этаётганлар эса бармоқ билан санарли.

Биз ўзимиз артистларга ўралашиб қолган жамиятмиз. Шунчалар майдалашиб кетганмизки, ҳаётимиз билан боғлиқ йирик нарсаларниям кўролмайдиган бўлиб қолганмиз. Артистнинг жазоланишидан жамият деярли ҳеч нарса ютмайди, аммо фожеаларга сабаб бўлаётган амалдорларнинг жазоланмаслигидан жамият жуда катта ютқазади. Бизга нима муҳимлигини англаб олишимиз зарур. Зеро, нимани буюртма қилсак ўшанга эришамиз.

 

Обиджон ЛАТИПОВ,

Халқ депутатлари

Тошкент шаҳар Кенгаши депутати

Улашинг!

Фикрингизни қолдиринг

Илтимос жавобингизни киритинг

+